ازيكم وانا ماشى بالعربية حسيت كأن في حديدة سيبه من الامام وبتخبط في العفشة من تحت والكلام ده لما اكون واقف وادي اول واطلع او لما اكون ماشي وباخد عزم بالعربية
اقعدت افكر قلت يمكن دى تكون حاجة بسيطة وقلت في نفسي روح يا واد عند بتاع الزاويا والترصيص وحكتله الحكاية قلى ممكن يكون قاعدة موتور او قاعدة فتيس فقلتله انتا يا روح خلتلك هتشغلني هههه بص علي العفشة وشوف وربط العفشة المهم بعد ما عملت الزاويا والترصيص لقيت الصوت اختفي ما شاء الله على الاقل لحد دلوقتى المهم ده كان ايه وتفسيره ايه بالظبط ولو الصوت ده رجع تاني اعمل ايه
