أنا بأكد تانى على ترحيبى بيك فى أى وقت تحب تشرفنى فيه أنت أو أى حد من أسرة مصر موتورز , وأحب أقول لحضرتك مبروك مقدماً على الجين تو بس خد بالك العربية دى على قد ما هى موتور كويس وثبات عالى ألأ أنها بتأكل بنزين وأنا كنت مهتم بيها جداً وقرأت عنها كتير ولكن كان يوجد بعض التعليقات اللى مش حلوة من ماليكها عن بعض العيوب الفنية التى تاتى بها زى الكاسيت مثلأً وعن التوكيل واللى هى بطبيعة الحال زادت تخويفى من العربية , أنا مش فاكر بالضبط الكلأم كله لكن أنصحك أن تقرأ عنها أكثر فى هذا المنتدى وفى منتديات أخرى حتى تخرج برأى حيادى وموضوعى عن العربية . وعلى فكرة فى عربية كويسة أوى أنا أنصحك بيها وهى بتحقق المعادلة الصعبة فى كل حاجة من ناحية ( العلو , الثبات , الفخامة , القوة , السمعة الكويسة والقوية للتوكيل وجودة التقفيل وقوة الموتور ده غير الشكل الجميل ) العربية دى بأختصار هى رينو داستر وهى بمحرك 1600 سى سى وتاتى دفع رباعى 4x4 مصفحة بالكامل من تحت ويوجد فئة أخرى 4x2 جر أمامى فقط
.أنا عن نفسى أنصحك أنك تجيب الدفع الرباعى لو أنت بتسافر كتير أما لو معظم مشاويرك جوا القاهرة فانصحك بالجر الأمامى أى الفئة الثانية بس فى مشكلة أن العربية دى بتنزل مانيوال بس فلو أنت مش من هواة سواقت المانيوال فهيبقى الأختيار كله خطأ من أوله . وعلى فكرة العربية دى ممكن تشوفها وتتفرج عليها على موقع
www.youtube.com وتشوف أد أيه هى عملية جداً فى أختراق الضواحى والمناطق الواعرة وبرك المياه وخاصة انها تتميز بنظام تعليق مالتى لينك وممكن كمان تتحكم فيها تمشى دفع رباعى أو جر أمامى عن طريق زرار فى التابلوه زى بكرة التكيف كده . بس هى بتنزل فى أوروبا باسم Dacia Duster فلما تيجى تبحث عنها لأزم تكتب الأسم ده , وأنا حطيت لك صورتها عشان تشوف شكلها , عامتاً أنا أتمنى لك التوفيق فى الأختيار بس ما تنساش صلأة الأستخارة مهمة جداً وفايدتها كبيرة أوى وأن شاء الله ربنا يهديك ويوفقك لما فيه الخير . وأنا أتشرف بقبول صداقةحضرتك وأن شاء الله نقابلك عن قريب وأنت معاك العربية الجديدة ,تقبل تحياتى
