[محمد اشرف]

المشاركة الأصلية كتبت بواسطة sameh taha الف شكر على سرعة الرد والاقتراحات المميزة لكن انا كده بقيت محتار تانى بين الافانزا اللى هى مش موجودة غير فى مصر انا مشوفتهاش فى السعودية ومعنديش فكرة عنها وازاى تويوتا تنزل حاجة فى مصر افضل من السعودية اكبر مستخدم للسيارات التويوتا فى العالم مش ده يعطى شوية شك فى العربية ومحتار فى الداستر كمان خاصة انى بحثت فى المنتدى وشوفت نها مميزة فى نفس فئتها السعرية ولم تذكر حضرتك عيوب او مميزات فيها انا عارف مميزات التويوتا الجبارة لانى باستعلها حاليا لكن الافانزا مشوفتهاش وعندى قلق من الكورى يمكن من الصاج الخفيف والكلام ده والاتزان ووسائل الامان مش عارف بس بشوف الكيا والهونداى اليومين دول ماليين الشوارع فى السعودية بس ارجع واقول ده لانها رخيصة وعض السعوديين اليوم اصبحوا من الفقراء ويعانوا من البطالة مثلنا فى مصرجايز اكون غلطان بس من 5 سنين ركبت اكسنت محسيتش بيها خالص كانت سيارتى عطلانة واستأجرتها حاجة خفيفة ومبلاقيهاش فى الزنقة لما اكون مستعجل ومش مطمنلها فى التوقف وهل لديك معلومة عن فرق الراحة فى السفر بين الداستر والافانزا انا سألت هنا فى جده عن الداستر بس اللى بتنزل هنا فى افضلية الخليج 2000 سي سي "الجمارك " طبعا اتفحت فى الجمارك لكن فى مصر 1600

بص حضرتك انا هقول لحضرتك بالترتيب الى انا عن نفسى حببهم اكثر


1- الكارينز يا خليجى ياما اعلى فئه وكيل
2- الداستر عيبها الوحيد ان اوبشنها عاديه مفهاش الرفاهيه الزياده يعنى مثلا مفهاش كراسى جلد ولا تكيف تاتش ولا تكيف خلفى على حجما وكاسيت عادى جدا جدا ومفهاش فتخة سقف يعنى الى هى الحجات دى

3- الافانزا وقول لحضراك ليه بئه النمره الاخيره مبينهم لان العربيه فيها عيب مش حلو خالص فى الشكل الجديد والقديم ان السياره رفيعه جدا جدا وعاليه جدا فى نفس الوقت وده معناه ان العربيه مش ثابته نهائى على الطرق السريعه وممكن تقلب بسرعه لو ماشى بسرعه عاليه


واتمنى اكون افدتك واى استفسار اخر انا تحت امرك