[ابو فاروق]

بص انا اول عربية ركبتها كانت شاهين .. ودلوقتي الحمد لله معايا عربية كويسة
عايز اقلك اني العربيات دية أقدام
في عربية تصرف عليها اكتر من مصاريف بيتك . وكل يوم مكانيكي شكل وفي عربيات تشتغل معاك سكينة فحلاوة ومتفكش مسمار . وفي عربيات مرزقة وتلاقي مشوار الشغل ألي تروحو بيها يقضي وتلاقي نفسك جبت ثمنها في شهرين .. وفي عربية تصرف ثمنها كاش عليها وانت جايبها مستعمل ..

انا جبت عربية للعيال عندي فيرنا كنت جايبها ب 64 الف و 750 جنية بالظبط

صرفت عليها 35 الف جنية في 3 سنين طبعا العربية كان ادمها ابن لذينة واتقلبت وخدت الشر وراحت فدهيا .. الحمد لله

وفي عربية تانية زي الفكترا كنت شاريها ب 71 الف . العربية جت صرفت عليها الف جنية بالظبط. وقعدت معايا سنة و6 شهور مصرفتش عليها جنية واحد غير بنزين وزيت ...
رحت بعتها كسبت فيها 2000 جنية كمان !

-
الجميلة سي 180 الان .. خديت تحويشة عمر .. لكن فعلا قمة المتعة في قيادة المرسيدس ...
والله ياخي مئات من انواع السيارات قمت بسواقتة ... مرتحتش غير في المرسيدس . شىء تاني
وهم بجد بجد
لكن مصاريفها كبيرة مفيش مرة رحت للتوكيل غير 3000 اقل واجب مصاريف .
طقم الجنوط ألي في بالي عامل 18.000 الف . فهيا وهم وروعة ونعمة في السواقة
لكن نقمة في المصاريف .
واعتزر لو خرجت عن سياق الموضوع بس قلت افضفض شوية .