رد: أكتر عربية بتحبها في حياتك ..ومش ممكن تنساها ..؟
من غير ضحك عربيت والدي القديمة فيات 132 في رأيي احلي عربية عربية موديل 79 عربية والدي و كان شاريها من الزيرو اتولد لاتها عندنا ياما طلعنا بيها مطروح و السلوم و اسماعلية و فايد
و مرحلة الثانوي و المفتاح الاستبن اللي عنا عملته من وراهم و سرقة العربية بالليل و اللف بيها و يا سلام لو كان الوالد راكنها في حتة و لما اجي اسرقها و ارجع الاقي المكان اتاخد ببقي بجيب جاز ساعتها العربية فضلت معانا لحد 2010 وبجد ساعات كتيير كنت بحسها بتفهم يمكن اللي فيكم عندة عربية لمدة طويلة هيفهم كلامي ده و رغم اني كنت من اشد الناس المؤيدين لفكرة التغيير و عربية جديدة لاكن بعد ما بعناها فضلت بتاع اسبوع مكتئب معرفش لية.
|