[Hisham.Elgazzar]

المشاركة الأصلية كتبت بواسطة tareksat5000 المهندس سمير تحياتى لك الأخ صاحب الموضوع علشان عامل رد لواحد مالوش علاقه بمشكله الراجل أصلا بيرد عليه يقوله فك الموجب الأول وبعدين السالب واللى تفكه الأخر تركبه الأول وأنا حللت للراجل مشكلته ويعرف إزاى العيب منين والأخ ده عمال يجادل عمال على بطال وأقوله أنا دبلوم 1987 وشغال 25 سنه كهربائى يقول ده مالوش علاقه بالموضوع وهو يادوب عمل بحث على النت وعامل كوبى وبيست وكمان غلط عاكس الكلام وأن عمال أشرح له يعمل إيه فى عربيته وهو عمال يهاجمنى بدون أدنى علم ياريته يكون مثلا عنده درايه بالعربيات سألته بيشتغل إيه مش عاوز يقول يمكن أعرف من خلاله إيه اللى يقنعه هوه لازم اللى يقنعه يكون مهندس خلاص نجيب له خبير نووى متخصص فى فك تركيب قواطيش البطاريه علشان يقنعه معلش المفروض اللى بيدى النصيحه يكون عنده فكره عن السيارات مش مجرد نسخ أى كلام وشكرا لك ياهندسه

يا أستاذ طارق الموضوع موجه للمهندس سمير عياد وبس ، يعنى الأخ الإيطالى الصغير بيكلم المهندس سمير وبس ومش عاوز أى حد يفتى فى الموضوع ده
ولعلمك انا عارف وفاهم الكتاوت اللى عامله فى الموضوع ده فعلا بتاع المارش
بس ماينفعش أتكلم وأخويا الكبير وأستاذى سمير عياد هو اللى المفروض يرد مش اى حد تانى حتى لو بقاله سبعميت سنة بيشتغل فى الكهربة ، وكلنا بنتعلم حتى بالكوبى والبصت

من تدخل فيما لا يعنيه سمع مالا يرضيه

بس انا زعلان منك يا أخ الإيطالى علشان الرد

المشاركة الأصلية كتبت بواسطة tareksat5000 شكرا لك ياباشمهندس سمير الموضوع للأسف أننا لانعرف بعض مثلى أنا وسعادتك كده بس الراجل عمال يهاجم وخلاص فكرنى وأنا كنت شغال فى ليبيا هما عندهم إعتقاد إن علشان يعرف إن الدينامو شغال يشيل كابل البطاريه والعربيه دايره لو فضلت العربيه دايره يبقى الدينامو شغال طبعا الكلام ده من 1993 إلى 1999 أما نزلت من ليبيا المهم علشان تقنعهم بالأمبير وقيمه الشحن كام أمبير لا يقتنعو إلا بهذه التجربه المهم واحد جابلى عربيه بيجو 404 نصف نقل الدينامو عطلان وبتدور زق والبطاريه نايمه تماما المهم صلحت له الدينامو وركبته وزقينا العربيه دارت وقمت بقياس شحن الدينامو لقيته 15 أمبير ومع النور بيزيد المهم شغلت الإستوب ووتش لمده دقيقتين وبطلنا العربيه ودورنا عده مرات وكله تمام الزبون مش مقتنع شال كابل البطاريه العربيه بطلت راسه وألف صرمه إن الدينامو مش شغال المهم قوقلته تقتنع بإيه قالى نروح ورشه ثانيه ونسأل الكهربائى قولته عمرى ما سمعت إن التجربه دى أساسيه الأساسى هو الأمبير( طيب والفولت دى ألف به كهربا بقى انك بتقيس الفولت كمان ) قالى لا المهم رحنا ورشه ثانيه علشان أقنعه المهم الورش هناك فيها كهربائى وميكانيكى وسمكرى وبتاع دوكو كلهم مع بعض المهم سألتهم مين الكهربائى لقيت واحد قالى أنا وطبعا مصريين راح الزبون سأله مباشر قاله بشيل كابل البطاريه العربيه بتبطل يبقى الدينامو شغال وإلا لأ راح صاحبنا قاله لأ مش شغال رحت أنا سألته إنته مصرى قالى أى مصرى قلتله وكهربائى قالى لا سمكرى قولتله أنا سألت عن كهربائى وإنته قولت أنا أول ما قلت إن الدينامو مش شغال أنا عرفت إنك لا يمكن تكون كهربائى وهزقته ومشينا الراجل قالى فيه كهربائى سودانى ده أشهر واحد فى ليبيا فاكر إسمه لغايه اليوم إسمه السبت طبعا لا ينسى المهم ده عندهم دكتور كهرباء السيارات وكلامه مقدس المهم رحنا للراجل وحكينا له الموضوع المهم السبت قال للراجل أسكت وأنا ها أقولك شغال أم لا المهم فك سلك الكهرباء العمومى بتاع الدينامو وشرزه على مسمار الدينامو اللى راكب فيه السلك أصلا اللى المفروض نقيس منه الشحن المهم هوه لم يقيس الشحن مجرد وجد شرز ( كل ده والعربية دايرة انا لو منك كنت سيبتة ومشيت ) بس قاله الدينامو شغال راح الزبون دافعلى الفلوس لأنه أصلا مش عاوز ( ولا يهمك دى عالم ميتة على القرش) يدفع أما السبت قاله شغال إقتنع بدون جدال معلش دى مجرد دردشه وشكرا

تحيه وتقدير لحضرتك يا أستاذ طارق وربنا يصلح حالنا وحالك يارب ماتزعلش منى
وياريت نعرف مكان حضرتك فين لأن عندى شوية شغل فى العربية