رد: رد شفيق على اتهامات سلطان
علي جثتي تمسك رئيس
يا عم فل خليك حسيس
ولا اللي حس مات فطيس
مات العريس وانت السبب
مات البطل في المعركة
وعاشت فلول بالفبركة
ولساك ِفلول تحت الطلب
يا عم حس دا الكبير فيكو اتغلب
... مات العريس عشان فلول يمسك رئيس؟؟؟؟؟
خليك حسيس لم العيال ولم الحرس
دا الولاد دقوا الجرس لم الحرس
و سيدك جمال والجمال والحمير
وكسرين وراكوا الف قلة وألف زير
وامسك في ايدك مروحة
وهوي علي سيادة ال..... الخفير
شيل من دماغك حكمنا
ولا انتوا قدرنا وبختنا
فكك خلاص الليل ما راح
وبكره جي بشمسنا
يا ِفلنا يا ِفلنا ارحل وغور سيب القصور
خليك ِفلول واياك تثور دي نصيحة مننا
طب مإحنا ثورنا وانت لسه في وشنا
يا عم فل هو انت وسيادة الغفير قدرنا و حظنا
ارحل وسيب نقطة بياض دا ليل سوادكم غمنا
والتاريخ يا طول لسانه في كل سطر من سطوره
بيكن ليكم بالأمانة كل المهانة في كل صوره
والشعر فاض من دمنا وبكيت بحوره
مات الولد ساعة صلاه
وفلت الطاغوت م المقصله
وطول مالجواب هو السكوت
هيفضل طاغوت مليون طاغوت
صوره في كل البيوت
مات الولد
والكل شاهد
والكل بيمصمص شفايفه
بس ساكت
مات الشجاع والخوف رجع
أصل وثوابت
مات الجدع وبقي الوجع للأمهات
والليل سكن والحلم اصبح ذكريات
حرس الفلول تعظيم لكم
الخطة ماشية بانتظام
مين أدكم
وكل ديقة خراب حريقة
والفتن بنيران صديقه
وكل يوم بتدفعولنا بكام فلول
إمسك فلول
كل الفلول تحت الطلب
ثاير يا فل وهثور دهور
مشيت شهور بعد الشهور
ولسه الأمل احسن حلول
ولسه الحرس حاميين فلول
__________________
كمال معروف
ان الله لا يغير ما بقوم حتى يغيروا ما بانفسهم
|