[khaabas]

المشاركة الأصلية كتبت بواسطة عصام جلاب السلام عليكم اخوانى واحبابى والله العظيم وحشتونى جداجداوتحية خاصة للاستاذ ايمن جلال اللى تابع معايا قصة السيميكا والرينو والحقيقة استفدت منه كتير وكذلك الاساتذة الكبار خاصة الشيخ طارق ابوزيدوكل احبابى فى المنتدى انا آسف على التأخيرلأن النت كان قاطع ودلوقتى جبت روتر خاص بيا والحمدلله ندخل بقى فى الموضوع البولونيز ياجماعة حاجة تانية خالص لما بدلت الرينومن صاحب المعرض اللى اصبح صديقى قالى حاجة غريبة قالى مبروك على الصخرة(البولونيز)انت دلوقتى اشتريت عربية ضحكت ومعرفش يقصد ايه او معناها ايه واخذت العربية وكنت وقتها لسة مش اوى فى السواقة وكتبت وقتها فى الموضوع وبعدها النت قطع وأخذت العربية واتمشيت بيها وحسيت بفرق شاسع بينها وبين السيميكا والرينو اى نعم سمعت من اصحابى نقد مش حلو اللى يقول شكلها مش عاطفى واللى يقول بتسخن وكذا وكذا وفى ناس شكرت فيها وقالت فيها اشعار انا بقى لاسمعت لدول ولا دول اجرب بنفسى العربية دى علمتنى الجرأة فى السواقة بشكل غريب ايام السيمكا والرينو كنت بخاف اخرج برة المنطقة اما البولونيز لقيت نفسى بسرح معاها فى كل حتة وفى اى حتة ومشخايف من اى حاجة ومرة لقيت نفسى على الدائرى وماصدقتش نفسى اللى انا اللى سايق ومرة لقيت نفسى فى نفق الازهروبعدها صلاح سالم والله مصدقتش نفسى دى طرق مكنتش احلم امشى فيها اصلا لكن مع البولونيز حسيت انى متحصن ومرة ماشى فى شارع فيصل وسواق ميكروباص غلس عليا وعاوز يدخل قدامى عافيةراح حدف عليا روحت دايس بنزين وعديت منه والعربيتين حكوا فبعض ومن صوت الحكة انا قولت فنفسى العربي انتهت ونزلت ادور فى العربية على خربوش واحد ملقتش حاجة الحمدلله سعتها عرفت صاحب المعرض يقصد ايه بكلمة (مبروك على الضخرة )بسم الله ما شاء الله هذا لا يمنع انها فيها بعض العيوب زى اى عربية مستعملة لكن عندنا فى المنتدى العمالقة اللى يقدروا يفيدونى واسف على الاطالة واعزرونى لانكم وحشتونى

والله انتا ملكش حل ههههههه يا باشا من سيمكا لرينو لبلونيز انتا بتحب تعذب نفسك ليه موش عارف يلا كله فى ميزان حسناتك وربنا يارب يباركلك فيها ويكفيك شرها روشها بقى وظبطها يا كبير