بارومة تحت الكارتيرات :(
السلام عليكم ورحمة الله وبركاتة
النهاردة نزلت اركب كارترتين بتوع الرفارف
ف السمكرى فك العجلة وهيبدء لسة يشتغل فقولتلو ماتبصلى بصة كدة على العربية من تحت
المهم قالى فى برومة ناحية الميزان (مش عارف يعنى اية ) وفى بارومة ناحية الدواسة الشمال( تقريبا فيها حتة مهرية) لانة قالى افتح الباب وبص كدة على فرش الدواسة لقيتة بيتحرك معاة وهو بيزقة من برة فتقريبا فى حتة مهرية ومنفدة على جوة
وخليتة يبصلى على الكارتيرات اللى ورا قالى لأ سليمة مافيهاش حاجة
المهم البارومة اللى موجودة عندى بالنظر كدة
فى الجنب الشمال مكان مابنركب الكارتيرات كدة وناحية الدواسة
والجنب اليمين بارومة على خفيف اوى مكان الكارتيرات برضو
المهم قالى احنا هنفور الرفارف واقطع والحم وادهن بيتومين
المهم عشان ماطولشى عليكو عشان انا بجد متضايق جدا جدا جدا من الموضوع دة
لانى افترضت حسن النية فى الراجل اللى اشتريت منة العربية ومارضيتش اكشف عليها وافليها زى ماناس كتير بتعمل ومشيت على كلامة وصدقتة ان العربية سليمة ومافيهاش حاجة
وطلعت فى الاخر فيها بارومة
المهم انا عندى كام سؤال كدة لو سمحتو
1- هل بعد ما يقطع ويلحم فى الاماكن دى هتبقى العربية راشة جوة ؟؟!!
وهل هتضطر اروح لبتاع دوكو عشان يرش الشغل اللى اشتغلة السمكرى بنفس لون العربية ولا بتتساب كدة
2- اخلية يرش بيتومين ولا اندر كوت افضل ؟!؟!
3- هل بعد ما الشغل دة يتعمل بيعيب العربية ؟!
4-اخلى بالى من اية وانا مع السمكرى والحوار دة كلة تكلفتة تقريبا حوالى كام عشان مايضحكش عليا
|