السلام عليكم أخوتى الأعضاء أما بعد ،
أمس ليلا الدئرى كان متحول لParking بمعنى الكلمة من كمية الزحام الرهيبة فلذا قررت أسلك طرق الفلاحين الجانبية المهم مطبات ترفعنى و حفر تهبدنى التضاريس الله ينور ده غير كمية الحاجات اللى عمال امشى عليها و مش عارف ايه هى المهم أثناء السير الكاوتش فرقع (مات) و هو GoodYear و عامل فى العربية 46000 كم و العربية جنوط 15 رغم انى فى عربيتى القديمة الكورولا 2006 بعت العربية من تغييره و كانت عاملة 75000 كم
المهم جيت أنزل الاستبن الصامولة بتاعته مش راضية تتفك و جه واحد ابن حلال يساعدنى قعد يدق على الصامولة لحد ماتفكت بطلوع الروح مش عارف السبب يمكن عشان عمره مانزل على الأرض قبل كده و المهم ركبته و رجعت البيت الحمدلله و النهاردة سألت فى كذا محل عن شعر الاطار الجديد عششان اجيب واحد استبن لقيته 500 جنيه الفردة GoodYear مقاس 95/60R15 فا ايه رأيكم فى السعر مع العلم مش هينفع أركب ماركة تانية
