[accountant85]

المشاركة الأصلية كتبت بواسطة تامين سيارات بص حضرتك انا بعرف اقراء كويس و بفهم فى التامين كويس جدااا شرط السرقه الى بتقول عليه مطبق من شهر 11 / 2011 يعنى بعد الدراسه والسرقه الجزئيه عليها تحمل زى الحادث غير ان موضوع التحمل الاجبارى الى انت بتقول عليه ملغى من سنتين من قناه السويس و ده كان على 5 انواع من السيارات وانت كاتبهم يبقى حضرتك بتقدم معلومات غلط و قديمه وقد تم التعديل فى غالبيه شركات مصر على الاصلاح فى التوكيل الاساسى للسياره و يظهر ان الدراسه ما كنتش كامله و خصوصا على قناه السويس لان محضر الشرطه عندنا من 10.000 جنيه و فى حاله الاصلاح فى قناه السويس لصيانه السيارات رقم اكبر بكتير 30.000 خصم المطالبه موجود فى جميع الشركات ومش كل الشركات تطبقه من السنه الاولى التاليه للتامين و لكن من السنه الثانيه و حضرتك ما قلتش حاجه عن مصر للتامين و قناه السويس لانهم بيطبقوه م السنه الاولى التاليه للتامين بص يا استاذى من غير زعل الدراسه مش وافيه وحضرتك ممكن تتصل بيا اديك المعلومات السليمه لكل الشركات لان الدنيا بتتغير كل سنه وانصح اى احد عاوز تامين سيارات قبل الاشتراك قرائه شروط الوثيقه جيدا قبل السداد لان الشروط تترجم الى نقود خاتتخصم منك واستاذه ريم بتسال على التامين يعنى عاوزه معلومات مظبوطه لانها لو احتاجت الوثيقه هاتبقى مشكله فالازم تعرف المعلومات الصحيحه على شان تختار بين الشركات بكل حريه و حضرتك قرات ردى انا جاوبت على استفسارات هيه عاوزه تعرفها لانها مافهمتش بعض المعانى و المقصود بيها لا اتكلم فى سعر او شركه ولا لاكن على بعض اسئله لابد الى يجاوب عليها متخصص فى التامين احترامى ليك

ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــــ

يا استاذ / عمرو انا شايفك زعلان اوي والموضوع ابسط من كدة بكتييير

واكرر لثالث مرة اني عامل الدراسة دي من فترة ( كبيرة اهي يمكن تتشاف ) واقرا الكلام الي قبل الجدول هتعرف انا كان قصدي ايه

و معني اني عامل المقارنة دي ان انا مش بشتغل فالتأمين انا كنت بدور علي احسن عرض
ووضحت انها ممكن تساعدها ولو بنسبة قليلة
وبعدين حضرتك تكرمت بالمشاركة ووضحت التعديلات الجديدة علي شركتك ودي طبعاً حاجة كويسة لانها هتفيد اللي بيسأل -
وبلاش اسلوب المعاملات المصرية المتشددة اللي انت بدأت بيه في الهجوم علي مشاركتي بدون اي اساءة او هجوم مني ليك ولا خلاص بقي هو التعامل بين الناس صدقني اكيد كان في كلام احسن من كدة ممكن يتقال او تعلق بيه علي مشاركتي
عموما
اعتقد اني افادت في المشاركة بنسبة 10% وحضرتك بنسبة 90%
والحمد لله انها مضرتش حد بل افادت - ع الاقل - فالمناقشة اللي بينا دي

اما بالنسبة لافادة الاستاذه / ريم - انا افادتها كويس جداً لاني مش بسعي وراء اي مصلحة شخصية والحمد لله لانها عارفة اني مش بشتغل فالتأمين.
واعتقد برضه ان الكلام اللي انا قولته كافي لفهم الموضوع بالنسبة لاي انسان اخر
اشكرك واتمني ان دي تكون معرفة خير
عامة انا رئيس قسم بقطاع الائتمان باحد البنوك
واكيد هكون فخدمتك