ممكن رأي الخبراء
باختصار شديد - عربيتي فيات 132 2000 موديل 78
العربية اشترتها من سبعة شهور ومن ساعتها والمكنة فيها ترتيلة غريبة هزة يعني ولمبة الزيت بتبرش على السالانسيه ولم بتدوس بنزين بتختفي (الملاحظتين دول كل ما قول لميكانيكي عليهم) يقولي عادي مفيش مشكلة .
رحت مسافر مرة اسكندرية وأنا راجع بعد مخرجت من البوابات وعند وادي النطرون لقيت لمبة الزيت بتبرش أكتر من الطبيعي بصيت على الحرارة لقيتها طبيعية جداً قولت أركن أطمن ركنت وسحبت مقاس الزيت لقيت مفيش ولا نقطعة على المقاس .
طبعاً العربية أدورها عمال تسقف وصوت ترزيع خوفت . واتصلت بواحد ميكانيكي على الطريق جاب جركن زيت وقالي السبايك بتاعت الكرنك من السخونية اتبرت المهم روحت القاهرة بالسلامة وروحت لميكانيكي عشان نشوف موضوع السبايك ده المهم قالي عمود الكرنك عندك 0.60 مينفعش يتخرط وعشان أوفرلك فلوس إحنا هنحط سبيكة .0.50 ونحاول نحكمها لأن العمود معدش ينفع يتخرط وكان فيه بوش في البييل حكنحكم مسماره كويس المهم اشتغل وخد أتعابه والعربية ماشيه بس الماتور بقه خفيف مش عارف أعمل إيه بالضبط . وممكن رأي الأعضاء مع خالص شكري
|