[تامين سيارات]

المشاركة الأصلية كتبت بواسطة reem mostafa شكرا يا احمد بس في شويه حاجات مش فاهماها لو تكرمت وضحهالي 1- نسبه التحملال الي بتتراوح بين 10 ا 15% في كل الشركات ده معناه انانا بتحمل نسبه النسبه دي في الاصلاحات بس ولا الحوادث او السرقات كمان ليهم نفس النسبه ؟؟؟ نسبه التحمل هى 10% فقط فى حاله الاصلاح فى التوكيل و هى فى الحوادث فقط اما السرقه الكليه للسياره ففى كل شركات مصر يوجد تهمل 25% من ثمن السياره 2- شرط النسبيه ؟؟؟ يعني ايه معنى شرط النسبيه انك تامنى على السياره بمبلغ اقل من قيمتها الفعليه او اكثر من قيمتها الفعله و ده يخلى فى التعويض تحمل كبير يعنى اوعى تعملى السياره باقل من ثمنها او اعلى لانك مش هاتستفيدى 3- يتم تعويض العميل بحد أقصي 10,000 جم عن أي تلف مادي يتسبب به لممتلكات الطرف الثالث ؟؟؟ هل ده معناه اني لو عملت حادثه وانا الغلطانه واصبت حد شركه التامين ملزمه تدفع ثمن الاصلاحات ( اللي المفروض انا اتحمله ) لاصلاح العربيه اللي خبطها ؟؟ كلامك صحيح لكن بحد اقصى 10.000 جنيه فقط يعنى لو القيمه اعلى الشركه تتحمل 10 الاف بس و انتى الباقى و تسمى المسؤوليه المدنيه و على شان تتصرف لابد من اجراء محضر شرطه 4- المصريه للتامين التكافلي كده انا مش هتحمل اي نسبه في حالة الحوادث ؟؟؟ لا يوجد تحمل فى اى وثيقه فى مصر اقله 10% من ثمن قطع الغيار و تسمى معدل اهلاك و النسبه تذيد كل عام اما فى قناه السويس للتامين 3% فقط لاى عام شرط الاصلاح فى قناه السويس لصيانه السيارات 5- يتم توزيع نسبة لاتقل عن 40% من الفائض التأميني كل سنة في ضوء النتائج المحققة لهذا النوع من التأمين ونسبة الاعلان عن هذة النسبة؟؟ يعني ايه ؟؟؟ المقصود هنا انك لو عملتى وثيقه و لم يتم استخدامها تاخدى ثانى سنه 20% خصم و السنه الثالثه 15% و الثالثه 10% و الرابعه 5% و تسمى خصم عدم مطالبه 6-يتم صرف التعويضات خلال سبعة ايام عمل من تاريخ إستيفاء المستندات والفواتير المؤيدة للمطالبة والمعاينة بعد الاصلاح بإستثناء حلات السرقة للسيارة بالكامل؟؟ هل ده معناه ان لو لا قدر الله والعربيه اتسرقت ده مش داخل في التامين لاني سالت في توكيل عز العرب قاللي ان في قانون اتعمل بعد الثوره طبعا ان لو حصات سرقه العميل بيتحمل 25% من ثمن السياره بس معلش اسئلتي كتير بس اعمل ايه بقى انا علمي ومش فاهمه اي حاجه في نظم الحسابات ولا التامين بتاعتكم دي

بصى الخلاصه سمعه الشركه اهم شىء و لا تنظرى الى السعر و بس لان التامين خدمه