[Hisham.Elgazzar]

المشاركة الأصلية كتبت بواسطة الايطالى الصغير ممكن تفهمنى من باب العلم نور ليه فيه منفذ بيروح لعمة الهوا - اقصد اليه المصمم عمل كده - وايه الحكمة من كده وهل معنى ده ان المنفذين واحد طرد هواء رايح لمنظم الاسبيراتير والثانى طرد هواء للعمة ولا هو شفط اى سحب من باب انى افهم حكمة منفذ عمه الهواء وبالنسبة للاسبيراتيرات اللى ما فيهاش أدفانس ايه البديل اللى يحقق غياب معادلة المنظم مش معايا ان ده بيحرم العربية من استغلال كامل القوة وشحنة الوقود حابب اعرف رأى حضرتك وجزاك الله خيرا

اللى رايح الإسبراتير بيبقى شفط وبس عشان زى ماقلنا انه بيقدم الشرارة مع سحب الموتور لكميه هواء أكبر
اما الإسبراتير اللى مفيهاش أدفانس بالهواء بتزود برضو مع السرعة بس بقوة الطرد المركزية جوا الإسبراتير
ودايما المكان اللى بيشفط هوا فى الكربراتير هو ده اللى ينفع يتوصل عليه الأدفانس
وياريت تراجع كل الوصلات واللواكير عشان أى مكاان لشفط الهوا مش عليه فلتر هيدخل تراب عدل على الموتور، وكمان ممكن يبرجل العربية


وإسمع بقى الجديد :
من كام يوم لما كنت بعمل الكردان http://www.masrmotors.com/vb/showthread.php?t=85816

ظبطت الأبلاتين بالفيلر على 0.40
والبوجيهات على 0.60
وأخرت الكهرباء شوية عشان كانت بتسك
المهم طلعت بالعربية ومبقتش بتسك لكن....

كل ماتدوس بنزين العربية تسخن
يعنى تطلع تجرى بالعربية بالليل وبرضو تسخن
مابالك بقى بالظروف فى عز الظهر

المهم امبارح لقيت الموضوع زاد
روحت فاكك الإسبراتير ومقدم الكهرباء شوية
والحمدلله مابقتش تسخن ورجعت تانى لطبيعتها
والبنزين 80
وطبعا لو كان 92 كانت جابت وش ، زى ماحصل معايا فى البولونيز قبل كده كان الإسبراتير مأخر شوية ومع البوجيهات ال3 شمعة بووم بعد ماقفلت العداد لقيتها نفخت الزيت كله بره المكنة
وناس بقى تفتى وتقولك الوش ضعيف
وناس تفتى وتقولك ده عيب البوجيهات
وناس تانية تقولك ده عيب الزيت

الخلاصة ( ومن وجهة نظرى عشان ممكن ناس كتير تختلف معايا):
ظبطة الإسبراتير ممكن تودى لمشاكل كتير منها ضرب جوان الوش وتفويت المكنة

خلى بالك كويس من ظبط توقيت الإشتعال لأن المرحلة دى خطر
ويقولك البنزين ال80 هو اللى بيبوظ