[Hisham.Elgazzar]

المشاركة الأصلية كتبت بواسطة ahmed_gamal777 هشام باشا الجزار -منور الدنيا كلها وموضوع اكثر من ممتاز وجيهة فى وقت انا امبارح كنت عندى الميكانيكى فى العاشر -المهم كان فى ونة مجننانى -وطلعت بلية - المهم مطولش عليها بعد ما ادبست فى اكس وبلية وخراط وعفشجى ودفع 250 لحلوح بشرى وقالى فى صوت عندك فى صليب الكردان والمشرشر -ممكن امش علية شوية والا يبوظ حاجة تانية ----- وبمناسبة البنزين -قليل لم تلقى بنزين على الساعة 10 انا بمون منها كتير اضمن ساعة 11 والحاجة الاخير يا ريت تعيد الفيديو كليب تانى بتاع الكردان الى ماشى من العربية ورجاء شخصى صورة الموزة او الخاص بتعها ههههههههههههههههههههههههه هه

شكرا جزيلا لسيادتك على الرد الجميل

فعلا 250 جنية لأكس وبلية تدبيسة ، لكن معلش الظروف ساعات بتحكم
بالنسبة لموضوع الكردان ممكن تستنى عليه شوية لو كرسى النص سليم والصلايب مش بتعمل رجة جامدة
وطبعا انا بقول كده عشان أهم حاجة وهى الكارونة والفتيس ممكن يتأثروا بالرجة دى لو الموضوع بزيادة
حضرتك بقى أول الشهر تنزل عزبة شلبى تشترى متلوتة بالمشرشر بتاع الكردان

وتفك الكردان وطيران على كمال الخراط بتاع الكرادين اللى فى الظاهر

وتاخد معاك المشرشرة الجديدة اللى احنا جبناها مع المتلوتة ( إستيراد مش خلع )


وعلى فكرة المشرشرة الإستيراد بتبقى فيها فبرة بخاتم حديد صغير كده

عشان بعد ما الكردان يسقط فى مكانة بتقفل الفبرة بالخاتم الحديد بتاعها على اول المتلوتة
عشان ما تتاكلش وطبع لازم تاخد زيت بالمزيتة نقطتين يعنى

هترصص الكردان بتاعك وتوزنه بعد تغيير المشرشرة

وترجع بيه على الميكانيكى تركب صليبتين يابانى
وكرسى نص جديد بالبلية بتاعته

والمتلوتة الإستيراد مع فلانشة جديييدة

وبالمرة تبص على أويل سيل الكارونة والفتيس
وتشوف حالة الزيت بتاعهم ولو بايظ تغيرة
زيت فالفلين 140
و ياريت تبلغنا بالأخبار ولو فيه مشكلة كلمنى

البنزين ال80 شغال بس قليل فى بعض المواعيد
وطنية العاشر اللى قبل سوق السيارات
بنزينة التعاون عند مجمع الشرطة
مصر للبترول اللى عند مصنع الكولا الحى السادس
التعاون اللى فى مطار القاهرة