[ahmedraafat00]

السلام عليكم

انا يا جماعه عندى التكيف مجننى وتقريبا مش بستخدمه خالص
ساعات يبقى أداءه حلو أوى تلاجه تلاجه يعنى مش اى كلام
وساعات اكون مدى العربيه للميكانيكى يعمل فيها شغل اخدها منه التكييف زى الزفت والهواء تقريبا سخن
وساعات بقى أكون راكن فى أمان الله العربيه واقفه مش ماشيه على فكره و اقول لما نشوف التكيف ايه نظامه الاقيه اشتغل شويه حلو وهووووووووووووب مره واحده العربيه بطلت خالص حلفت ماهى دايره :fun_wallba sh:
روحت نازل ضاغط على الفيوزات اللى فى العلبه وانا مش فاهم حاجه وركبت ودورتها دارت
ملحوظه الكلام ده قبل ما اغيركل الفيوزات اللى فى علبه الفيوزات لانها كانت تعبانه ومحتاجه تتغير
أداء التكيف حاليا انه بيشتغل بس تقريبا مفيش هواء او هواء سخن اللى بيطلع والله اعلم
انا بفتحه يدوب اشوف شغال ولا لا وبقفله تانى لان الصراحه العربيه حاليا ربنا هاديها وكويسه معايا وخايف اسيبه شغال فتره العربيه تبطل و تزعلنى وانا مصدقت انى بقالى بتاع شهر ونص اهوه راضى عليها وهيا راضيه عليا مش عايزين الشيطان يدخل بينا