المشاركة الأصلية كتبت بواسطة Hisham.Elgazzar
هينفع مع الناس الكويسين العاقلين اللى بيحافظوا على نفسهم
وهينفع مع الناس المساكين اللى زى حالاتنا
ومش هاينفع مع الهلاسين اللى بيدوروا يحرقوا فى البنزين عمال على بطال
ومش هينفع مع اللى بيفتكروا نفسهم ركبوا فوق الناس لما البنك حن عليهم وإداهم عربيات بالقسط والفايدة الربوية
ومش هاينفع مع العالم اللى معندهاش ضمير وبتهرب البنزين وتبيعه فى السوق السودا
|
استحلفك بالله هينفع ما واحد صديقى شغال فى الجيزة والاقامة ببورسعيد
يا باشا انتا محسسني ان ازمة البنزين من العيال السيس والعربيات القسط متبقاش وجه النظر ضيقة اوى كده وانا اسف فى اللفظ بس من العشم والله
بقي هينفع لو هتلاقى رغيف العيش ارتفع علشان المخابز بتستعمل السولار ولو اشتروه بالسعر الحر هيبقا خراب بيوت مستعجل
بقي هينفع لو هتلاقى اسعار المواصلات بقت فى السما السبعة والغلبان يتحمل على عين اللى خلفوه زيادة ما هو طالع عينه
بقي هينفع لو اسعار الماكولات بصفة عامة اسعار بقت نار الله الموقدة بسبب ارتفاع تكاليف النقل
بقي هينفع لما تلاقي اسعار وخدمات المحصولات الزراعية بقت نار جهنم بسبب السولار اللى بيستخدم في الات الحصاد والالات الزراعية وفجاة تلاقى رابطة الجرجير بقت ب 50 جنية
ولو عاوز اكلم اكتر على خراب البيوت اللى هيتسبب فيه قرار زى ده ممكن نقعد نتكلم للصبح
ومن الاخر الناس مبقتش مستحمله الثورة خربت بيوت الناس خلاص