[farouk89]

المشاركة الأصلية كتبت بواسطة sayed2077 هو فى الاغلب يا استاذ فاروق سلكة صباع الحرارة اللى فى الماتور هى فقط اللى عاوزه تتحط فى مكنها صح او تتهز لانك لما غسلت الماتور اكيد ضغط المايه هزها فحضرتك كل اللى هتعمله انك تفتح كونتكت لان حضرتك كتبت قولت اول ما بتفتح كونتتكت اللمبة ببتتهز وده معناه ان فيه حاجه ملمسه فحضرتك والعربيه بارده كده هتفتح كونتكت الاول تشوف احوال اللمبة ايه طافيه او منورة لو لقيتها طافية او منورة او حتى بتنور وتطفى يبقى حضرتك هتفتح الكبوت وتشوف سباع الحرارة اللى بقول لحضرتك عليه و تشوف السلكه اللى طالعه منه لو مش راكبه مكانها صح اعدلها وركبها حلو وهز السلكه يمين وشمال وان شاء الله هتبقى تمام وعلى العموم حضرتك لو غلبت فى الاخر روح لكهربائى مش مكانيكى وهو اللى هيظبطهالك باذن الله واحنا كده كده يا استاذ فاروووق من غير متقول اصدقاء طبعا وربنا يديم المحبه والود ما بينا ان شاء الله

سيد باشا انا جربت النهارده تاني زي مقلت وبرضه كانت بترعش كده بسيط قوي والمفتاح فطريقه للكونتكت بس اول لما بيوصل للكونتكت الرعشه البسيطه قوي ديه بتروح طبعا الكلام ده والعربيه بارده جدا فالصبح فشلت سلك الي موجود في صباع الحرار ده وحطيته تاني وحركته يمين وشمال زي مقلتيلي وخرجت بيها الوقتي اللمبة بتنور وتطفي عادي فشكرا جدا ليك بس هل محتاج برضه اروح للكهربائي ولا خلاص كده