اولا السلام عليكم ورحمة الله وبركاته
ثانيا ودي اول مشاركه ليا في المنتدي الرائع ده احب اقولكم جميعا انكم ناس قمة في الاحترام وانا فخور اني بقيت في وسطيكم
ثالثا وده محور الكلام
انا من اسيوط - ودي محافظه في الصعيد للي ميعرفش -
وبعد مقارنات كتير وتفكير اكتر حجزت لانسر 2012 بوما ده بعد استشارة ناس كتير وبعد ما قريت اراءكم عنها في المنتدي
وكاي بني ادم عادي فكرت اشوف قصة التوكيل والضمان والصيانه والخ الخ
وهنا كانت الصدمة - حسبي الله ونعم الوكيل - في التوكيل
ما بين الرواس اللي اتشنير وداياموند الجديد والقصص الغريبه دي
مفيش ولا فرع لاي حد في الناس دي في صعيد مصر
علي اساس مثلا الصعيد ده مفيهوش كام الف واحد معاهم لانسر
وربنا كتب عليهم السفر للتوكيل باشا في وجه بحري
وعزائهم الوحيد في عم وحيد البليد اللي عايز محفظتك تبقي حديد
- ده ميكانيكي لانسر في اسيوط ياما خرب عربيات - اللي طبعا مفيش عربيه بتطلع سليمه من تحت ايديه اللي تتلف بحرير
وتطلع انت من عنده وانت متكيف ع الاخر
السؤال بقي : هم ليه بيعملوا كده مع الصعايدة ؟؟
وهل لو في حد محترم منه نقدر نقنعه يفتحوا فرع في الصعيد ؟
وللصعيد الله فوق كل شيء
وتصبحوا علي خير