رد: اختراع جه في دماغي النهاردة .. واظن انه هيقوم بالواجب
تعليق صغير على حماية العربية
اولا الحامى ربنا
ثانيا الاساليب التى بتعتمد فيها على حاجة بقفل مش تنفع
اطلاقا
ليه
لان حقنة مايه النار ب جنيه
تطي مخ القفل ودماغه فى ثانية
وشكرا بعد كده
لازم علشان تفكر فى حماية فعالة لعربيتك
تفهم نفسية الجريمة
وتفكر زى الحرامى بالضبط علشان لما تعرف طريقة تفكيره
تسبقه بخطوة
وبكده تسد عليه الطريق اللى هيدخل منه
بالنسبة للعملى
اللى يعطل حرامى مصرى
حاجتين
اولهم
خدعة فى التوصيلات او قصر فى السلوك او مفتاح مخفى
لان ده هياخذ وقت علشان يوصله
وهو انسب اسلوب فعال ورهيب فى مصر
وبسيط ولا يكلف شىء
بالنسبة للحرامى الوقت من ذهب
ولازم بسرعة بسرعة
علشان كده قدامه محاولات سريعة
انما مش هيدور على السلك مستحيل
لانه
هيخاف حد يشوفه
انما الاقفال انسى انسى
بيتفتح
شوف احكى له حاجة تضحك
واحد ساكن على اول الشارع
فيات 132
راكنها
قافله بقفل دركسيون حديد
فشوا القفل
بس ما عرفوش يسرقوا العربية
من حسن الحظ
وستر ربنا
كان عامل مفتاح مخفى
داخوا ودورا عليه
وفى الاخر
لطشوا الكاسيت وشوية حاجات
متغاظين
ومش عايزين يطلعوا فاشوش
ولاذوا بالهرب
شفت بقى
مفتاح واحد شدة ب 2جنيه انقذ عربية الراجل بكام الف
الحاجة الثانية التى تعطل الحرامى
فردة مريحة
انا احيانا بفشل الفردة على الجنط
ولما انزل بنزودها فى دقيقتين بالمنفاخ الكهرباء
ليه
لانه اول ما يشوف الفردة مريحة
هيحس باحباط
ومشكلة
الا بقى لو حرامى مضبط نفسه وجايب معاه منفاخ
بالنسبة للانذار
بيكسر الازاز فى خلال 10 ثوانى
بيمد ايده يفتح من جوه ويخش
مدرب طبعا وفاهم
وفى ثوانى
سلكين للموبينة والمارش
درات العربية وسلملى على الترماى
طيب العربيات الحديثة قوى
فيه جهاز صغير زى الريموت ومعاه قطعة ثانية باريال
الجهاز ده بيتجاب من أمريكا
انا ما اعرفشى شكله بالضبط لانى سمعت من ناس عنه
حكوا عنه
انه بيشل جهاز الانذار بمجرد ان يوضع على السيارة او يلمسها
ومش عارف ازاى وصل لايدين الحرامية فى مصر
وفى ثوانى يفتح العربية او يفش القفل ويدور ويمشى
فين الانذار
بح
طبعا
كمان فى مفاتيح مبرمجة تفتح اى عربية
مفتاح له عقل الكترونى مخصص مثلا الهيونداى وعائلتها
معرفشى التكنولوجيا دى بتدخل مصر ازاى متهربة
ولمصلحة مين
المهم هو ده سر سرقة العربيات الغالية جدا
كله كلام بنسمعه
والى بيحصل بيؤكده
علشان كده العملى فى الحماية
هو فصل سلك او انك تخلع كابل او حاجة
اعتمادا على ربكة الحرامى وخوفه من الوقت
والله اعلم
|