[dr_eslam_66]

الصني دي موديل 2012 هيا نزلة هنا الإمارات من فترة مش كبيرة وعلى فكرة آه هيا إسمها صني بس تصنيع وتقفيل مش اليابان (ياالهند يالصين) ومش متأكد أنهي بلد بس متأكد إنها مش ياباني.
أنا شخصيا ماليش تجربه معاها أكتر من إني بصيت عليها في المعرض ولاحظت إني التقفيل والخامات الي من جوا مش قد كدة بصراحة حسيت إني راكب جيلي باندا.
العربية واسعة جدا من جوا ورى وقدام ولا الشنطة ما أقولكشي.
أنا شخصيا ما إستريحتش للشكل خاااااالص لا الخارجي ولا الداخلي.
عندك مثلا الفوانيس الخلفية تحس إنها محطوطة للعربية زيادة الظاهر كانوا ناويين يعملوها من غير فوانيس ورى, الشبكة من قدام برضوا وحشة قوي الجنوط صغيرة قوي عليها والخلوص بين الكاوتش وبطن الرفرف كبيرة جدا.
التصميم الداخلي فقير لأبعد الحدود أنا آسف بس فكرني بشكل التيدا من جوا برضوا للأسف مش بحبه وخاصتا إستعمال البلاستيك السيلفر الي يحسسك إنه درجة تالتة ومافاتيح التكييف البكر الي في النص دي إختراع صيني صرف أصلا.
لاكن نيجي للكفاءة ولاإعتمادية والكلام دا كله طبعا ماحدش يعرف عنه حاجة ولا حتى أعرف حد إشتراها.
أنا شوفتها ماشية في الشارع كذا مرة والي لاحظته إني الي كان راكبها كان مقضيها غرز وحركات وكانت العربية مساعداه (والله أعلم)
عموما بالتوفيق إنشاء الله سواء دا إختيارك أو لأ.
أحب أوضح جاة أخيرة أنا من أشد المعجبين بالصني بس الصني كلاسيك الي هيا عندكوا في مصر إنما الصني الكوري حتا مش قد كدة بالنسبالي.
تعرف إني الصني الأخيرة الي موجودة في مصر دي مش موجودة هنا الي هيا أمو وش فانوس خلفي شفاف إنما الي موجودة هنا الي قبلها الي وش الفانوس الخلفي بتاعها أحمر.