السلام عليكم
انا شاري عربية لوجان اوتوماتيك من شهر تقريبا وعامل بيها لحد الوقتي حوالي 1300 كيلو .. اللي لاحظته اني لما بفول بنزين بسمع صوت البنزين داخل التنك ( زي بالظبط لو معاك جركن ميه ومالي نصه وقاعد ترج فيه ) .. الصوت ده بيبدا يقل تدريجيا كل لما التنك يبدأ يفضي لحد ما يختفي لما التنك يكون فيه حوالي شرطتين او تلاتة علي المؤشر .. رحت فرع العدوي في المنصورة قالي ان اول مرة يتعرض عليهم مشكله زي دي وانت اكيد حساس شوية للصوت وواخد بالك منه زيادة عن اللزوم ! صممت اني اطلع مع المهندس بالعربية وبصراحة الصوت مكنش باين علي الطريق السريع لانه دوشة لكن عرفت اسمعه الصوت كويس لما دخلنا جوه الفرع ...
فكوا التانك في الفرع وشالوا حوالي 10 لتر الصوت بدأ يقل .. قالي معلش حضرتك هتروح الوقتي وهتتابع الصوت ده وهتبلغني بيه لما التانيك يفضي .. الوقتي التانك بدأ ينزل 3 شرط وبرده سامع الصوت خاصة لما اكون ماشي باليلل والدنيا هدوء .. عايز اعرف ده طبيعي يا جماعه ولا انا اللي مزودها حبتين ... ياريت الاقي من السادة الاعضاء رد لو تكرمتم ..
