المشاركة الأصلية كتبت بواسطة ahmed_eng2001
السلام عليكم
انا اختلف مع حضرتك فى بعض النقاط
انا امتلك لانسر مانيول 2008
سير الكاتينة فى التوكيل بيتغير على 80 الف .... و بيتغير كمان كل السيور و بلية شداد السير و بوجيهات و تيل فرامل و فلاتر هواء و زيت ( مع غيار الزيت ) و بنزين .. و ممكن يغير فلتر التكييف كمان ... القصة دى بتدخل فى 3000 جنيه يا باشا
و تغييره سير الكاتينة عند 60 الف افضل طبعا علشان تكون فى السليم
تيل الفرامل ..... و دى اسوأ حاجة فى اللانسر ... التيل الاصلى بـ 400 جنيه و بيتغير تقريبا على 20,000 كم .... و بيقل شوية فى الاوتوماتيك
انا بقول انه سيى علشان فيه ماركات تانية بنفس السعر ده تقريبا .. تيل الفرامل بتاعها بيفضل لغاية 60,000 كم
فلتر البنزين فعلا جوة التنك ... و حضرتك بتشيل الكنبة الخلفية و بتفك الفلتر من اعلى التانك ... و هو بيبقى فعلا حوالين طرمبة البنزين بس بيتغير لوحده من غير الطرمبة .... و هو لوحده سعره غالى ( انا بتكلم عن الاصلى الى بتغيره فى التوكيل ) فيه انواع تانية فى السوق مش اصلى ارخص
فلتر الزيت .... انا شفته عند واحد بيغير زيت جنب محطة مترو المنيب و قالى انه بـ 28 جنيه الاصلى ... و قالى خلى بالك ان فيه فى السوق نوع شبه الاصلى بس مش اصلى بـ 17 جنيه ....
طبعا انا فضلت 5 دقائق فاتح بقى و متنح و فكرت انى اجيب كرتونة من الفلاتر دى ... دى ارخص من فلاتر المياه !!!!!
الفلتر الاصلى فى التوكيل بـ 50 جنيه مينقصوش مليم و مرة لقيته فى محطة موبيل التجمع الخامس بـ 45 جنيه
معلومة صغيرة ... ممكن يركب على اللانسر انواع فلاتر كتير
انا بغير موبيل 1 كل 10,000 كم مع الفلتر زى ما الكتاب بيقول
استهلاك البنزين زى ما حضرتك ذكرت كده مظبوط و ممكن اكتر كمان
|
وعليكم السلام
انا مش شايف اختلاف بينا
كل الحكاية انى مبحبش اغير الزيت و الفلتر زى المواصفات ما بتقول . بمعنى لو الزيت المفروض يتغير كل 5000 كم انا بغيرة كل 3500 كم
ونفس الحال مع السيور ومنهم سير الكاتينى لو كل 80000 انا بغير السر كل 60000 كم
اما بخصوص فلتر البنزين اعتقد كلامنا واحد وايضا بخصوص تيل الفرامل
وتقبل تحاتى