[AbOnOrA]

ماشى يا عم بس متزقش

وبعدين انا كمان مبحبش حد يرد فى وسط الكلام بتاعى ( فى الاقتباس ) ولا بحب حد يفترض كلام انا مقولتوش ويبنى عليه ردود سهله بس قولت ماشى ورديت
وبرضو لو مش عايز ترد على اسئلتى ماشى مش مشكلة
خلينا فى المفيد

انت بتقول برضو كلامك من القرأن والسنة !!!
طب الكلام ده من بروتوكولات حكماء صهيون يعنى

هل طبقتم ( واعتصمو بحبل الله جميعاً ولا تفرقوا) لماذا لم تنطبق عليكم الايه ( هو الذى ايدك بنصرة وبالمؤمنين والف بين قلوبهم ) هل انتم كمؤمنين اخوة متحدين ( انما المؤمنون إخوة )

طب اقولك حاجة تانية
انت عارف ان التزام الجماعة مقدم على كل اللى بتنادو بيه دلوقتى
ده العقيدة اصلا اسمها عقيدة اهل السنة والجماعة

هما الناس اللى ده حالهم بينهم وبين بعضهم وبينهم وبين المجتمع هيقدرو ينهضو بامة
هم دول جيل التمكين
كلنا عشنا حلم النهضة الاسلامى على فكرة وكلنا حلمنا نكون من جيل التمكين
بس كبرنا خلاص وفهمنا وعنينا فتحت
ومش هنضحك على نفسنا تانى

و سؤال اخير - هل تظن ان طالبان او السعودية انظمة اسلامية؟؟؟ انها انظمة قبلية قبيحة و اذا كنت تبحث عن نموذج اسلامي فاقرأ كتب التاريخ

يا باشا ده كلام كبير اوى يتفتح عليه موضوع لوحدة
اولاً طالبان والسعودية نعم وفق المصطلح انظمة حكم اسلامية سنية طبعاً

ده ان مضيفناش عليهم باكستان وايران والسودان كانظمة هجينة مابين الدينية والمدنية

من حيث العقيدة طالبان والسعودية انظمة سنية سلفية تماماً
من حيث الموالاة السعودية وباكستان والامارات كانو الدول الوحيدة اللى اديت طالبان معنوياً ودولياً بالاعتراف الرسمى ولوجستياً
ومن حيث الشريعة بيطبقوها بحذافيرها

يعنى حتى دول شايفهم انظمة قبليه قبيحة ومش اسلامية اصلاً

وطبعا اولاد ابو اسماعيل هما اللى هيعملو النظاما لاسلامى الصحيح مش كده ؟

انت بتتكلم بجد !!!

وبعدين يا باشا انا قولتلك انا بعشق التاريخ قولى بس اقرا ايه ولا فين وانا معاك

ادينى امثلتك
ادينى case study
ادينى اى امارة بس وانا هفهم على طول ان شاء الله