[kimo10]

حالة كلام..
ممكن يكون شكل الكلام مفيهوش جديد ..
ممكن اقوله تانى وافضل أعيد وأزيد..
بس الكلام ده بيبقى حالة ..
ممكن يكون معناه بعيد.. مرة يكون زى الحديد..
كلامى من جوايا طالع من قلبى من شخصى العنيد..
انسان طبيعى بعدى على كل الحالات..
فرح زعل أمل زهق ضحك واهات ..
وعمر حالة ما وصلتنى ولو للحظة امنع كلام وانوى السكات..
وسط السكات اوعاك تكون..
واوعاك لهدفك او لوطنك يوم تخون..
احلم وطير فوق السحاب تحت المطر..
عيش الامل واوصل بحلمك للجنون..
ما هو نزولك للميدان كان بالجنون..
وانت بتهتف ضد النظام وقت النظام كان م الجنون..
وكان مصيرك اما تموت أو أمن دولة وعالسجون..
وكان ده عادى لا ان حلمك يوم يهون..
ونصيحة اياك الرجوع..
معنى الرجوع ذل وخضوع..
كمل وعافر فى الطريق..
وانسى البكا وكفاياك دموع..
احباطك انت تغيره ..يأسك بإيدك دمره..
وقوى نفسك باليقين .. ومصيرك انت تقرره..
وادعى وهو هيسمعك ..عمره ما يرضى يرجعك..
مهما يحاولوا ينزلوك او بعد حين هيطلعك..
بس انت بس اخلص معاه..
قربله وانت تنول رضاه..
قوله يارب نفوسنا تعبت وما بقالنا غيرك طوق نجاة..
يارب..ثورنا على ظلم وفساد سنين..
وبقدرتك جمعتنا بحق ويقين..
والابتلاء نتحمله وهندوس عليه..
وبثقتنا بس فى قدرتك يارب احنا مكملييييين..