مراية كهربا يمين وشوية سمكرة
السلام عليكم
كنتيجة طبيعية للسواقة في شوارع مصر ومع سواقين ميكروباصات مصر عربيتي اللوجان حصل فيها شوية خدوش وإنبعاجات من الناحية اليمين بطول العربية - الحمد لله. دا بالإضافة إن المراية اليمين إزازها إنفصل وأعتقد إنها محتاجة تتغير. الحمد لله الحاجات اللي في العربية بسيطة مش كبيرة.
أنا مأمن تأمين شامل في مصر للتأمين لإن العربية قسط وكنت محتاج أسأل الخبراء هنا سؤالين:
ماهو أفضل فرع من فروع التوكيل اللي أضبط فيه الحاجات اللي فوق؟
هل هناك أي نصائح أخدها في حسابي لما أتعامل مع التأمين؟ لإن دي أول تجربة ليا معاه
منتظر ردودكم ونصائحكم المفيدة دائما
وشكرا
|