رد: عندي مشكلة في الدينمو - بيجو 206
حضرتك ممكن تقولى سيارتك كام سى سى ؟
وانا هاقولك الدينامو بتاع ايه يمشى عندك
يعنى لو سيارتك 1200 cc هايمشى عليها دينامو الستروين سى 3 1200
ولو سيارتك 1400cc ممكن يمشى دينامو الستروين الاكسارا2 ال 1400
ولو سيارتك 1600 موتور N6 يمشى عليها دينامو الاكسارا 1
لأنها كلها مواتير واحده وعموما سعر ازيد دينامو منهم فى مصر استيراد
هيبقى فى الحدود من 400 الى 600 جنيه
وطبعا تسريب زيت الباور ممكن يحرق الدينامو لأنه بيعمل شورت فى الملف الداخلى
فلابد من ازالة عيب الباور الاول سواء بتركيب اويل سيل لطلمبة الباور او تغييرها لو تالفه
مع مراجعة الوصله الجلد لأنها دايما بتتقطع وما بتستحملش ضغط الزيت
ولا تغلق فتحات تهوية الدينامو تماما لأنه المتنفس الوحيد لتهويته
ولو لاقيت دينامو غير الطرازات المذكوره يجب فك الطنبوره اللى بيركب عليها سير الاداره
وتركيبها فى الدينامو الجديد علشان تقسيم السيور مختلفه
واى خدمة
__________________
أبو الفتوح رئيسأ
|