شوية دردشة معايا ...العربية عايزة حاجات وعاوز نصائحكم
من اسبوع كنت بسمع صوت تكتكة في العجلة الخلفية (جنط 13") الشمال اللي من نحيتي ....المهم رحت للميكانيكي خليته يحلهة ويشوف البلي لقاه سليم مفيهوش حاجة والكاوتش مفيهوش زلط ولا حاجة المهم بدلت الفردتين اللي ورا مع بعض علشان اتأكد ان الصوت لو ظهر تاني يبقى من الكاوتش مش من الصرة
بعد لما بدلت الصوت اختفى لمدة يومين ورجع تاني( تك تك تك تك تك تك ) ومع التسارع بيزيد (_مزعج جدا_) فالعيب يبقى من الجنط ولا الكاوتش كدة يارجاله
الأمر التاني ساعات RPM بيعلى لوحدة بيبقى 1500 لفة لما اجي اف في اشارة مثلاً ومش بتحصل على طول ....يا ترى اية؟؟
انا هغير اليايات الخلفية مش عارف اجبها جديدة ولا اجبها استعمال خارج واحد شغال في إستيراد وقديم في الليلة دي قالي بلاش الإستعمال للأوبل عشان حاجتها بتيجي من سنغافورا ودول بيهلكوا العربيات بتاعتهم ، وهغير المساعدين الخلفيين برضوا بس مش لاقي بلشتاين (احسن نوع) انا جايب منهم جوز امامي وركبته من فترة تحفة بس الدنيا ورا عايزة تتظبط فهغير اليايات والمساعدين ..تنصحوني بأية؟
المهم الميكانيكي قالي هجبلك بتوع الفيكترا 95 (اليايات) دول اعفى من بتوع الكورسا عشان بيعيشوا .....معلش انا بحكيلكوا عشان كدة طولت
|