[احمد عمار]

بسم الله الرحمن الرحيم

السلام عليكم ورحمة الله وبركاته
السادة أعضاء المنتدى الكرام أشكركم على المجهود المتميز الذى تقومون به فى هذا المنتدى وهو أحد أهم أسرار تميز هذا المنتدى عن غيره من منتديات السيارات .
كنت أود من خلال هذا الموضوع أن أطرح على حضراتكم موضوع خاص بسيارتى .
انا أمتلك سيارة بيجو 504 كانت لوالدى رحمه الله , والدى اشترى السيارة من حوالى أربع سنين وكانت حالتها ممتازة جداً , وبعد وفاته لم أهتم بالسيارة كما أهتم بها والدى الى أن عملت لها عمرة موتور كاملة كلفتنى حوالى 5000 جنيه , ده يعتبر المبلغ الكبير الوحيد اللى صرفته على العربية , العربية حالياً حالتها فى الضياع بالنسبة للسمكرة نظراً لسكنى القريب من البحر وأاكيد اللى ساكن فى مدينة ساحلية زى أسكندرية عارف الكلام ده , أنا روحت بالعربية بلقاس وشوفت كذا سمكرى هناك ومن كلامهم أن العربية محتاجة حوالى 10000 جنيه عشان تتشد شدة تمام , وانا حالياً محتار وامامى ثلاث حلول أرجو ان تساعدونى فى الأختيار بينهم .
1- ابيع العربية واكمل واشترى حاجة أفضل .
2- اشد العربية شدة تمام ودى هتكلفنى حوالى 10 او 12 الف جنيه .
3- اشد العربية شدة بس مش تمام يعنى اعمل الحاجات اللى فيها ودى هتكلفنى حوالى 5 او 7 الف جنيه .
أنا اسف على الأطالة ولكن أرجو من الجميع التفاعل مع الموضوع
والسلام عليكم ورحمة الله وبركاته