مش هطول عليك (سؤالين ) لو سمحت : -
- انا معاى عربية شيرى a15 وحساس الايدل الى هو بتاع السلنسيه الى بيزبط العربية فى السلانيه واثناء تشغيل التكييف - كان فيه مشكلة من فترة واشتريت واحد مكانه (صينى) بس واشتغل معاى كويس وبعدين دلوقتى رجعت تانى نفس المشكلة عندى مش عارف اعمل لو حضرتك تقولى ينفع اركب عليه حاجه بتاع عربية ثانية ولا حاجه .
- التيل بتاع الفرامل بيصفر لما العربية تسخن - وروحت اشترى بتاع الباسات او التوليدو زى الزملاء منصحونى لكن لقيته مختلف والميكانيكى كان قالى ان دة العادى (القديم) مش عارف ينفع اشتريله نوع اية من الماركات المعروفة .
ولكم جزيل الشكر اخى استاذ طارق .
اخوكم / امام
------------------------------------------------------------------------------------------
استاذ امام بعد التحية
بالنسبة لحساس الأيدل كونترول
اولا الحساس مش دايما بيعطل وعلي فكرة هو عبارة عن ملف مغناطيسي بيقفل بوابة الهوا او يفتح جزئ منها علشان يعادل عملية سرعة لفات الموتور بمعني ابسط ان حضرتك لما تيجي تشغل التكييف وال ار بي ام علي 1 كمبيوتر العربية هايدي اشارة للأيدل علشان يفتح البوابة شوية ويدي دفق للهوا بتاع المانافولد علشان يسرع لفات الموتور علشان يزود الحمل المفقود من كباس التكييف اللي بيعادل 1.6 حصان تقريبا ويخلي الأر بي ام علي 1.2 تقريبا فمشكلة حضرتك يمكن حلها بسهولة ؟.......تجيب بخاخ منظف كاربراتير وتفك الحساس وتنضف البوابة بتاعتة والبوابات اللي حوالية تنضيف كويس وتسيبة 10 دقايق وبعدين تنفخ بالهوا وتشغل العربة بدون حساس وتشغل التكييف ماتقلقش هاتلاقي الأربي ام عالي ومش مظبوط وبعد دقيقتين تطفي العربية وتركب الحساس وتوصل الفيشة بتاعتة وممكن تبخ علية برضة من مادة التنظيف وبيبقي فية كاوتشة او جوان صغير لونة برتقالي او اولسية صغير خالص كدة اتأكد من وجودة ونضافتة وإن شاء الله هاينتظم معاك ولو ما انتظمش بلغني تليفونيا وهابحثلك اية اللي ممكن ينفع معاة كبديل
بالنسبة للصفارة بتاعة تيل الفرامل اعتقد انها مش من التيل دي من الطنابير لأن الطنابير لما بتبوظ بيبقي فيها عالي وواطي وبتسخن من تفاوت عدد ضربات الفرامل في المرة الواحدة وانصحك بتغييرهم بطنابير سيات انكا عند بتوع الألماني في التوفيقية وماتجبهمش صيني وعلي فكرة الطنابير بتاعة العربيات الحديثة تلاشوا فيها عيب السخونة دي وعملولها نظام مروحة زي ريش الهوا وسط الطنبورة
شكرا طارق اسيوط
01008331244