يا اخوانا الجواز له رزقه يعنى لو حسبتله حسبة برمة عمرك ما هتجوز ابدا
احكي لكم عن تجربتى انا كنت زى حالتكم شاب من اسرة متوسطة والدى الله يرحمه دكتور فى مركز البحوث موظف والحمدلله مستورين كان يقولى اول ما اتخرجت يا ابنى حوش وبلاش كل ما تقبض تنزل تفرتك فلوسك فى الخروجات مع اصحابك وانا اساعدك يعنى كل ماتحوش مبلغ او جمعية هاحط لك عليهم زيهم وتجيب تلاجة او غسالة والكلام ده اقوله يا بابا ان شاء الله ده كدة هتجوز على المعاش
ده انا علشان اتجوز عايزلى بتاع 100 الف جنيه الكلام ده كان من 13 سنة بقيمة مليون دلوقتى
المهم كنت مقتنع بفكرتى لغاية ما جه نصيبى وربنا رزقنى بانسانة حبيتها وحبيتنى وظروفنا متقاربة الى حد ما وعندها استعداد
للكفاحوخد بالك من الكفاح لانه اليومين دول مطلوب جدا وزى ما فى الفلاحين بيقولوا عياشة وبتحب جوزها وعيالها وعاقلة والحمد لله ربنا انعم عليا بهذه الانسانة التى اسأل الله ان يبارك لى فيها هى واولادى وهتقولى اتجوزت ازاى اقولك سبحان الله متعرفش ربنا دبرها ازاى من كل ناحية اولا مات والدى الحبيب رحمة الله عليه وسابنا مستورين ولله الحمد ورثت عنه مبلغ 24 الف جنيه جبت بيهم شقة فى الهرم ايجار قديم ووضبتها بكفاح وعرق وجهد لانى كنت اووقات بشتغل بنفسى واجيب صنايعية صحابى واقعد اساعدهم علشان اوفر
المهم ربنا كرمنى ورزقنى فعلا من حيث لا احتسب برزق هذا الزواج المبارك مع العلم ان مرتبى متوسط جدا واعمل عمل اضافى جزئى والحمد لله ربنا اكرمنى ببنت وولد ومعايا عربية بالقسط والحمد لله الدنيا ماشية وربنا يديم علينا ستره ... اهم حاجة يا صديقى حسن الاختيار وان تكون انت وزوجة المستقبل عندكم استعداد للكفاح والرضا بما قسمه الله لكما
