رد: شارك معنا لتعرف الموتور الاستيراد أفضل أو العمره
يا جماعة انا كنت خلاص هشتري موتور استيراد بس فى أخر لحظة قررت انى اعمل عمرة ليه ؟
انا عندي عربية فيات 125 وعليه موتور بلونيز 1500 واحد كامة
العمرة احسن مليون مرة من شراء موتور أستيراد
ليه بقى ؟؟؟؟؟؟
هقولك
لان العمرة انت بتفك الموتور كله قدامك وبتيقى كل حاجة على عينك يا تاجر والبايظ بيتغير والسليم بيشتغل والنص نص انت ومقدرتك المالية بس بصراحة اهم حاجة فى العمرة الصنيعى اللى شغال فى الموتور
انا عملت عمرة عند ميكانيكى بصراحة دكتور وبالظبط فك الموتور الثلاثاء ووديناه عند الخراط الثلاثاء باليل هو والحاجة الجديدة اللى طلبها الخراط وظرفت الصنيعى عند الخراط 20 جنيه اكرامية عشان اخده الاربعاء العصر ويوم الاربعاء المغرب روحت استلمت الموتور 100 100 .
وسهرت مع الميكانيكى لحد الساعة 12 قفلنا الموتور وكان ممكن ندوره بس هو قال لى خليها الخميس الصبح
ودور الميكانيكى العربية الخميس الصبح طبعاً انا كنت فى الشغل والعربية دارت الخميس كله والجمعة كله 48 ساعة العربية دايرة بحطلها مياه فقط وبعد كده روحت بيها فايد وانا ماشى على 60 ورجعت العربية الحمد لله 100 100
بس هو ده الصح العمرة السليمة احسن من الموتور الاستيراد وانت وحظك
بس كلفتنى العمرة دى تقريبا 3200 جنيه لانى قررت اغير كل حاجة عمود الكامة البساتم طقم الشمبر مش فاكر ايه تانى بس انا فاكر ان عمود الكامة لوحده 450 جنيه بس خلى العربية ايه ساعة
على فكرة اللى عايز يروح للميكانيكى ده هو شاب عنده 35 سنة تقريباً وربنا كرمه من 3 شهور وفتح محل لوحده
اللى عايزه يكلمنى هيونداى لانوس نوبيرا اوبترا 128 131 اى حاجة هو بجد دكتور 01001845488
ارجو انى اكون أفدتكم ومتطولتش عليكم Mahmoud Eka
__________________
سبحان الله وبحمده سبحان الله العظيم
|