[Elsebily]

انا اولا مستغرب اني فيه ناس بتعمل كده بس والله انا شايف اني دي حاجه متدايقكش خد الموضوع ببساطه كفايا والله لمتك مع عيلتك في العربيه والروح اللي بتبقي موجوده وصدقني والله فيه ناس تتمني ربع لمه حتي زي دي وياما فيه ناس راكبه عربيات اخر موديل وعايشين اسوء حياه والله وناس اعرفهم كمان وياما ناس راكبه عربيات زيرو وعليهم اقساط الدنيا والاخره وبينامو وهما بيفكرو في مليون حاجه انا بقولك الكلام ده بس اولا عشان تبقي في قناعة نفسك مقتنع انك احسن من غيرك كتير اما بالنسبه للعيال اللي بتعمل كده فانا شايف اني اصلا حرام تخليهم يشغلو ولو جزء من تفكيرك وعلي فكره بقي انا جوز اختي معاه عربيتين واحده لوجان وواحده لادا وعاوز اقولك انه بيحب يخرج باللادا عشان لو لقي واحد مثلا قافل طريق او راكن صف تالت ونزل من عربيته وراح يستهبل في حته يروح هو حاككهالو حكه مثلا او كاسرله اشاره باللادا او ينزله اكصدام والموضوع ده عمله وانا راكب معاه كانت عربيه افيو راكنه صف تاني والشارع كان تلت حارات وسايب للناس حته كده قد نص حاره يمشو فيها فراح خابطله الاكصدام بتاعه باكصدام اللادا بتاعه مجرد حكه بسيطه كده وعاوزك انت تتخيل بقي اكصدام الافيو حصل فيها ايه وخبطها ومشي فكل اللي عاوز اقولهولك ان كل حاجه فيها مزاياها وعيوبها وكمان اهم حاجه انك تحب عربيتك اكتر من كده وعلي فكره انا كان معايا مازدا 323 وصدقني والله نفسي ارجعلها تاني ومش عاوز اقولك انها وحشاني ولا كانها بنتي وعامة متخافش ان شاء الله ربنا بكره هيكرمك وتجيب الزيرو وهترجع توحشك عربيتك تاني