[Hisham.Elgazzar]

المشاركة الأصلية كتبت بواسطة الايطالى الصغير ربنا يبارك فيك على موضوعك الجميل ونبدا فى الاستفسارات والتوضيحات واستحملنى هتعبك معايا معلش ما معنى هذه الكلمات فى هذه الجمل ؟ الموتور فى الـ 128 مش بيتشال بونش وانما بينزل على الارض وبنرفع الرعبية من فوق منة ( العربية) والقصد انه الموتور مش هينفع يطلع من فوق عشان ميخبطش فى السيرفو بتاع الفرامل ومايبهدلش الحوض ما هى الرعبية ؟ وليه لما نقدرش نرفع الموتور بونش ؟ تقصد ايه ان الموتور بالكامل بيكون متحمل على كوريك تمساحة ؟ بيحط كوريك تمساح تحت الموتور عشان يحمل الموتور عليه و الأفضل القرم الخشب ( الطبلية الخشب عشان الموتور مايتبهدلش) ....................... ايه هى النصف سبيكة الى هنفك بيها مسامير الحدافة ؟ وتتجاب منين ؟ وازاى نأروضها ؟ وشكل السبيكة ايه ؟ ايه هو الخابور ؟ وفين مكانه وليه هو مهم جدا ؟ ......................... ........... ونطلع المكنة على تزجة معدنية نضيفة ايه هى التزجة ؟ التسجة دى البنك اللى الميكانيكى بيشتغل عليه......................... ......... بنكتب على البستم والبيل بقلم نوعه ايه ؟ علشان تفضل الكتابه عليه قلم دوكو او تنقر خفيف بالمفك تقصد ايه اتجاه البستم فى الشميز ؟ مش فاهم النقطة دى يعنى عدلة البستم جوا الشميز ده مهم جدا لما تيجى تقفل وازاى اعمل رسمة الاتجاه واعلمها ؟ ......................... .............. يعنى ايه سبيكة زيرو عشرة او زيرو عشرين الزيرو عشرة يعنى اتخرط مرة واحدة والعشرين يعنى مرتين وبيبقى مكتوب عليها ومتعلم فين بتتباع سبيكة المصانع الحربية ازاى تنضف مجارى الهوا للكراسى ؟ ياريت توضيح ؟ ......................... ..... ايه انواع المسامير وارقامها ومقاساتها الى بتكون فى الموتور علشان لو حبيت اجيب مسامير جديدة افضل ؟ المسامير الجديدة مش زى الإستيراد ، يفضل انك تاخد القديم عند واحد بتاع قطع غيار إستيراد وتجيب زيهم ايه نوع الزيت الى بتديه للكراسى قبل التقفيل ؟ زيت الشنبر ، كانز الأبرو مع زيت عربيات عادة ويخلط بنسبة 1:1 حاطط زيت على جدار الشميز ؟ نوع الزيت ايه وقد ايه نحط على جدار الشميز ايه هى زرجينة البساتم وتتجاب منين موجودة عند بتاع العدد فى شارع الجمهورية هيا والفيلر وزرجينة الصبابات................. ........ لو غسلت الموتور بالجاز أسيبه قد ايه علشان يتخلص من الجاز وازاى اتخلص من بواقى الجاز عند التركيب ؟ إحنا على طول بنغسل بالبنزين لقدرته على إذابة الشوائب و خرطوم الهواء للتسليك ........................ مين الى بييبع جوان وش السلندر وايه احسن نوع ليه وازاى اعرف انه كويس ؟ الجوان الأصلى الجرنجريد الإيطالى هتلاقيه عند بتاع قطع غيار كويس أو محل متخصص جوانات ......................... ......... ايه هى الجوملكة وتتجاب منين ؟ الجمالكه إزازة بنى عامله زى الكولا بس لونها بنى وفى منها نوعين الامريكانى ونوع تانى مصرى الامريكانى إزازة بفرشة والمصرة أمبوبة زى أمبوبة السيليكون......................... .................. ترجم الجملة دى لانى مش فاهم حاجة خالص حط الاسطوانة وبعدين الدسك وبنظبط مركزية الاسطوانة بعامود دركت معرفش بقى هاتجيبة عندك ازاى دى ظبطة الإسطوانة والديسك هتلاقى العمود ده بيتباع مع طقم الدبرياج الجديد وبنحتاجة عشان تظبط الإسطوانة بتاعت الدبرياج فى السنتر بين الديسك وترس الفولام......................... ............... امنيه حياتى اعرف فين علامة الطنبورة بتاعة تركيب عمود الكرنك فى ال128 المكان عندى ضيق فى العربية ومش قادر اوصله او اشوفه او تجيبلى صورة بالكاميرا وتورينى فين بالضبط ادعى ليك طول حياتى ......................... ..............

متابع معاك وعلى إستعداد تام إنى أساعدك فى الموضوع
تقبل تحياتى وتقديرى