رد: تجربتى مع الفلتر الرياضى فيات 128
انا عندى اقتراح بالنسبه لموضوع مكان الفلتر ومش عارف ينفع والا لا
انتو عارفين طبعا علبة التكييف بتاعة 128 وعارفين ان بيبقى فى مروحه وراها الى هى بتسحب الهواء عندنا فى التبلوه طيب ممكن نفتح فتحه فى علبة التكييف نفسها على اد الخرطوم ونعديه ونركب الفلتر جواه ونخلى بوابة التكييف مفتوحه وبكده نبقى بعدنا عن كل العيوب بمعنى
اول حاجه السخونيه علشان هيبقا جوه التكييف وممكن نحط من بره على الصندوق عازل الحراره
تانى حاجه بعدنا عن التراب بقدر الامكان وممكن كمان نحط على اول الصندوق زى سفنجه تكون مسامها وسعه تشيل عن الفلتر شويه ومش هتبقى موثره اوى فى دخول الهواء علشان فى مروحه بتسحب
تالت حاجه دخول الهواء البارد هيبقا عن طريق حاجتين اول حاجه طبيعيه علشان فتحات التهويه وتانى حاجه علشان المروحه الى بعد الفلتر الى هتبقا شغاله اول لما الموتور يشتغل
وبكده الموتور مش هيبقا مخنوق على السرعات الواطيه
وده اقتراح قابل للصح والخطا
التعديل الأخير تم بواسطة tomas ; 15-04-2012 الساعة 06:11 PM
|