رد: لية تنتخب الشيخ حازم صلاح ... الجليل
للاسف الهجوم للهجوم وخلاص
انما حد بيتتبع الاخبار وبيشوف الناس بتقول اية لا
طيب معلش هقول انا وامري لله
اولا لسة في حاجه اسمها طعن بكرة
يعني لسة الدنيا مانتهتش
الحاجه التانية المجلس العسكري لعبها صح
نزل سليمان يوم ما الناس نزلت لحازم
عشان يبقي التصور
يا اما سليمان
يا اما حازم او الفصيل الاسلامي -اللي انتو قلتو عليه كدة
وبالتلي الناس تقول خلاص سليمان بلاش حازم
وشوية شوية
اللجنة نزيهة
لجنة مين يا ولاد
اللجنة العليا للرئاسة
دي خرجت حازم وخرجت سليمان منتهي النزاهة
هي اللجنة دي برئاسة مين
المستشار حاتم بجاتو : هناك صلة قرابه بين والدته ووالدة عمرو موسى
المستشار عبد المعز ابراهيم :قضية تهريب المتهمين الامريكان فى قضية التمويل الاجنبى
المستشار مدبولئ : مشارك فى اللجنة المشرفه على اسوأ انتخابات فى تاريخ مصر سنة 2010
المستشار خفاجى : صاحب الحكم التاريخى ضد ايمن نور
لمستشار ماهر البحيرى : رفض اى طعن دستورى على المادة 76 المفصله خصيصا لجمال مبارك
المستشار فاروق سلطان : قاضى عسكرى انتقل للقضاء المدنى كسر جميع النقابات وفرض الحراسه عليها ورفض تنفيذ اى حكم برفع الحراسه على نقابة المهندسين
بس مش مشكلة برضه هنصدقهم
طب مش الحكومة دي اللي قالت خالد سعيد بلع البانجو
يا سيدي دي حاجة ودي حاجه متدخلش الامور في بعضها
طب يعني القضاء المصري قال لا
ايوة بس امريكا قالت اه بورقة متصورة
طيب واية يعني ما لازم امريكا توافق علي رئيس مصر القادم
جميل اوي برضة هم ناس حلوين وعلي عينا وراسنا
يبقي لحد بكرة لسة في تظلم
طيب يا تري سليمان اتشال ليه
توزيع جغرافي
يعني اية
يعني في محافظة او دايرة مش كاملة التوكيلات اللي فيها
اه طيب ماشي
خلاص مش مهم
المهم ان هو خرج
حازم خرج معاه
مش مشكلة بقي المهم ان سليمان خرج وخلاص
كمان يومين
معلش يا جماعة
الاجراءات دي شكلية وموضوع الورق الي مش كامل دة هنكمله لانه مش شرط المهم يقدم ورقه وبعدها يكمل
وعلي فكرة دة مش استنتاج
دي حقائق فعلا انا قريتها
طيب يعني في الاخر حازم خرج
اه
وفي الاخر السلفيين وحشين والاخوان كمان وحشين
اه
وفي الاخر اللجان الالكترونية تبعت ناس تتكلم عن الاخوان والسلفيين وحش وتكسب اصوات الناس اللي مش متابعة
اه
ويصطادو في المية العكرة
اه
طب ما انصار حازم كانو في المسيرة بتاعتهم نظفو مكانهم بعد ما مشيو
واية يعني
لما كانو واقفين ادام مجلس الدولة رغم الضغط وتاخير النتيجة من 10 صباحا ل 10 مساء فضلو متماسكين
وطلعلهم شكر من القضاء الاداري
يا سيدي دول مغفلين برضة
امال اية طيب
لا استني بس احنا نفرق بينهم ازاي طيب عايزين نوحشهم
خلاص بص لما يعتصمو ادام اللجنة العليا للانتخابات الرئاسية نطلع انهم حرقو البنزينة
اسكت مش طلعت اشاعات يا بني
ولسة بكرة بقي هتقفلهم عالواحدة
طب هنسيب الاخوان كدة لا نسيبهم لية
نتكلم عليهم هم كمان
هينزلو التحرير
طيب بس منخليش الثوار ينزلو
وبكدة يزيد الاعتقاد الداخلي اللي عند الناس ان السلفيين والاخوان اعداء الثورة زيهم زي المجلس العسكري
وتنشأ الفرقة
والنظام السابق بيطرقع صوابعه
والناس بتاكل في بعض
هو الاول يعني اية سلفي
للاسف السلفيين ملهمش ريس
سيدهم النبي صلي الله عليه وسلم
السلفية منهج
ولما يختارو واحد بيقول قال الله وقال الرسول يبقي وحش ؟
اشمعني انت حر تختار وانا مش حرة مش المجتمع بتاعنا كل واحد يختار ولا اية
ومفروض لما بعد ما القرار طلع والراجل اخد القرار
اللجنة الرئاسية تقوله بله واشرب ميته (باللفظ)
مفروض انا ساعتها اقول لا يا وحش يا حازم
دة انت لو صاحبك تعب وسبته تبقي ندل
يبقي ازاي اسيبه
هو مش اله
يكفي ان انا نفسي ان احنا نبقي محترمين
انا شايفة ان الاحترام 1 2 3 4
انت شايف انه 5 6 7 8
يبقي كل واحد حر في اختياره
ويا ريت بس متابعة شوية الله يكرمكو لو يهمكو امر الدولة دي فعلا
دة لو
متابعة بجد
وبلاش الدولة دي وبس
والدول التانية
اية رايك ان من شهر في سفينة محملة اسلحة لسوريا مرت في قناة السويس تحت تعتيم اعلامي
دة مش تشتيت بالعكس لما ربنا يلاقينا بنخاف علي بعض هيرحمنا
انما طول ما كل همنا
السلفيين الوحشين
محدش بيتكلم انه سلفي
ولا انه اخوان
ولا هو حلو اوي لما نشتم في الشيخ ونقول اية دة لبس بدلة بعد ما اترشح الحكم
اية دة اشمعني دلوقتي
ونمسك في الحاجات اللي هي اصلا غلط ومحصلتش
فوقو بقي
واعرفو عدوكم
واحب اوجه شكري للجان الالكترونية
نجحتم فيما اردتموه
وشفتم الفرقة
بس بعنيكم
انا زي ما قلت قبل كدة
انا مسامحة في حقي
اللهم وحد الصف واجمعنا تحت راية الاسلام مجتمعين متوحدين وارزقنا شكر نعمتك يا كريم
|