انا عملت عمرة كامله ولكن بدون خراطه
بمعنى لما فتحنا الماتور جسم الماتور كان سليم تماما ولكن البساتم كانت بايظه فالميكانيكى قالى يبقى نعمل عمرة من غير خراطه
وغيرنا كل حاجه بساتم صببات وعملنا روديه لوش السلندر وكل حاجه غيرناها فى الماتور ولكن زى ما بقول لحضرتك من غير خراطه
مع العلم
تكلفة قطع غيار كانت 800-900 جنية
تكلفة ميكانيكى مصنعية 300 جنية
والحمد لله العربيه بقى عزمها تمام بس مبقتش تجرى زى الاول ومبقتش اقدر انط بيها واسحب جامد زى الاول وده لان الماتور لما بيبقى خفيفى بيجرى جامد جدااا اكثر من الماتور السليم ولكن العزم بيبقى فى الضياع يعنى وانت مثالا طالع كوبرى وجايب الغيار الرابع مثالا وطالع على سرعه 60 هتلاقى العربيه سرعتها قلت جامد لغاية ما تطلع الكوبرى بعكس دلوقت ممكن تبقى جايب 40 وتطلع الكوبرى على الغيار الرابع وتبقى محمل العربيه كمان وبتطلع عادى بسم الله ماشاء الله وكده كده انا لسه جايب امبارح 500 كيلوا او اقل بعد العمرة ولسه فاضل فى التلين 500 كيلوا كمان ومنتظر اشوف بعدها الدنيا هتبقى عامله ازاى
وربنا يسهل ان شاء الله