رد: احنا الطلبة ؟ عايزين نعرف عمرة الموتور بالتفصيل والخطوات والصور
السلام عليكم ورحمة الله وبركاته
أستاذى و أخى / MR.Astra
بأتقدم بجزيل الشكر والتقدير للأخ العزيز الطليانى الصغير
انا على إستعداد تام اننا نتقابل ونتكلم فى موضوع الموتور والعمرات لأنى قفلت كذا موتور قبل كده بإيدى
وكمان فى موتور عند جارى مخلوع من العربية بحالته بس معرفش اه اللى فيه هو بس قاللى انه بيرزع ، كنت هاخده منه و أعمل بيه مشروع العمرة بقطع غيار إستيراد وطقم شنبر جديد وقولتله
انى هحاول أخليها أرخص عمره ولو الموتور عجبك خده وركبه فى العربية وهحاسبك على نص المصنعيه بتاعت اى ميكانيكى وهو اللى هيشيل التكلفة بتاعت قطع الغيار
انا عاوز حد يساعدنى فى الموضوع ده ونتعلم سوا
كلام حضرتك يا مستر أسترا كله فى الصميم فعلا هما دول الصنايعية بتوع دلوقتى
تخيل بقى لما تروحله ويقولك الموتور عاوز عمرة يابيه تقوله ماشى وياترى هيتكلف كام
يقولك الخراط ألفين وانا أجرتى فك وتركيب 500 جنيه وطبعا الزبون يقول أمين لأ وكمان بيشيل تكاليف الجوانات كاملة والسيور والشنبر
انما بقى لو احنا اتعلمنا الفك والتركيب والفنيات دى سيبك بقى من نصب الميكانيكى والخراط
بيلات وبساتم إستيراد أقوى و احسن من الجديد ، سبيكة إستيراد ، الكرنك لو مش محتاج خراطة مش هتخرطة ، تقدر تظبط مكنة الزيت وترجع تركبها تانى ، وطبعا محدش هيبقى بيقفل بضمير زيك انت لأنك دافع دم قلبك فماحك جلدك مثل ظفرك
آسف للإطالة والله المستعان
تقبلوا مرورى
|