محتاج رايكم في المشكلة دى
عربيتى اللانوس اوتوماتيك 97 من فترة وانا بدور العربية الصبح لقيت صوت العربية عالي جدا وصوت تقطقه في الموتور وتقطيع جامد وكانت بتبرجل جامد وانا ماشى والسحب بيبقى ضعيف جدا مهما زودت بنزين وبحس بالعربية وكأنها بتنطر لقدام
المهم روحت لميكانيكي جرب قالي دى الموبينه جاب وحدة من عنده وجربها وجرب العربية كانت نفس المشكلة قالي احتمال تفويته فى التقسيمة شافها لاقاها سليمة راح مجرب بالمرة سلوك بوجيهات وبالمرة غير البوجيهات ولكن لسه العيب موجود نفس الطقطقه والتقطيع في صوت الموتور قالي يبقى مفيش غير الرشاشات عاوزه تتغير
اخدت العربية لميكانيكي تانى عمل نفس اللى عمله الأولانى وقال مشكلة رشاشات
دلونى ولاد الحلال علي واحد ميكانيكى في طلخا اسمه ايمن دايو ومن اسمه تعرفوا انه متخصص في الدايو
روحتله وطبعا مقولتلوش انى روحت لحد قبله فسبته براحته جرب موبينه واسلاك بوجيهات وشاف التقسيمة وغير البوجيهات والعيب زى ماهو
بعد كده طلع حساس من تحت العربية سالته حساس ايه ده قالي حساس الكرنك طلعه ونضفه بالبنزين وركبه تانى وراح نضف الاسلاك والفيش الخاصة بالرشاشات وركبها تانى وجرب العربية والعربية بقت تمام والحمد لله السحب بقي كويس والطقطقه اللى كانت موجودة اختفت
وبالمرة عملي اسكانر علي الرعبية فقالي الموبينه عاوزه تتغير لان فيها جزء مش شغال وكمان حساس الفتيس عاوز تغيير بس لحد دلوقتى لسه مغيرتش حاجة
مشيت بالعربية حوالي شهرين بعد الموضوع ده والعربية تمام التمام لحد يومين فاتوا رجعت ريما لعادتها القديمة المشكلة رجعت تانى
حبيت اسالكم واستفيد من خبرتكم هل الموبينة وحساس الفتيس لهم علاقة باللى بيحصل ده ولازم يتغيروا والا اروحله تانى ويعمل اللى عمله قبل كده من تنظيف لاسلاك الرشاشات وحساس الكرنك أنا محتار
|