[د.هبه77]

مع حضرتك في موضوع ان الواحد ممكن يعمل كدة في الشغل لان ضغوط العمل بتبقي شديدة علي النفس جدا
لكن الايمان بمبدأ او قضية حتي وان كان المعارضين كثير ومبيسمعوش ومبيملوش من تكرار نفس الكلام
اشمعني هم يبقي عندهم طولة البال في ان هم يقولو ويعارضو براحتهم واحنا لأ
معاك ان الواحد يقلل الاحتكاك ويوصل رأيه بموضوعية وميلتفتش لمحاولة الاثارة للخروج عن المألوف بالشبه اللي ملهاش لازمة لكن ان انا اترك الساحة تماما رغم علمي ان المكان اللي انا فيه دة عدد المؤيدين لنفس الفكرة او بلاش المؤيدين لان ممكن يكون مؤيد لكنه مش بيتكلم قليل يبقي مينفعش اما ان كان الانسحاب لظروف الحياة او الوقت او ما شابه فلا بأس
بس احيانا فعلا الواحد من كتر الهجوم بيهاجر لمكان لا يوجد به احد يسئ لفكره او يسخر من قيمه
وفعلا مريت بالمرحلة دي اكتر من مرة بس كل مرة افتكر التعليق دة

المشاركة الأصلية كتبت بواسطة alymonir : 018A1D~146::0 18A1D~146: أنا باحسدك على الهمة اللي انت فيها نفسي يكون عندي نصها في الدعوة إلى الله

فعلا لية يبقي الاخر عنده عزيمة لنشر فكره وانا ميبقاش عندي ربع اللي عنده

عموما خير
قرات النكتة الطويلة شوية دي علي موضوع والدة الشيخ حازم صلاح


قشطة يا أوباما حازم أمه أمريكية صح؟؟؟؟ وسليمان رجل المرحلة المخلص أكيد.. إن ما كنت أخليك تقول إن حازم أمه مصرية مبقاش أنا !!
نعلن عن حملة (الظواهري رئيسا) :P
وعلى بركة الله نوكل أخونا الملثم (الممثل الرسمي للحملة) يجمع لنا التلاتين ألف توكيل من سينا ودي في السريع نقاط القوة فيه كرئيس عشان تعرفوا تخاطبوا الناس:ـ

أولا: الظواهري أحسن واحد هيعرف يتعامل مع الانفلات الأمني .. أظن محدش معترض :D
ثانيا: الظواهري راجل عسكري ومدني في نفس الوقت فيبقى كده توافق بين المؤسسة العسكرية والشعب :D
ثالثا: أهو الظواهري ده الشخص الوحيد اللي متقدرش تقول كان فين قبل الثورة ههههههههههههههههههههه
رابعا: هيلغي التجنيد الإجباري .. الراجل جاي ومعاه الجيش بتاعه جاهز ) وأظن دي نقطة مالهاش حل
خامسا: مش هنحتاج نحط طبعا إلغاء البكيني والبارات الخ لأن متهيألي الفنادق من نوع ده هتحول نفسها دور تحفيظ قرآن تلقائيا مع بداية الحملة
سادسا: من الآخر محدش هيعرف يتعامل مع الفلول والمجلس العسكري غيره ))
سابعا: الرئيس الوحيد اللي أضمن إنه هيغلي المعتقلات .. دي المعتقلات أخترعت أساسا عشانهم ههههههههههههه
ثامنا: الراجل هيخلي مصر دولة عظمى .. عشان هيبقى ليها جيوش مستطونة في أفغانستان والعراق والجزائر والصومال واليمن حد طايل
تاسعا: متهيألي هيعدم كل اللي كان بيقول الخروج على الحاكم حرام وأهو نخلص من الأشكال دي
عاشرا: مش هيبقى فيه حاجة اسمها مكافحة الإرهاب أكيد :D .. ويبقى كده وفرنا بند من الميزانية

طبعا الراجل الملثم هيتفرغ تفرغ كامل للحملة الانتخابية لأن الحكومة هتتولى هي تفجير خطوط الغاز رسميا ))))))

هاه يا أوباما حازم جنسية والدته إيه؟؟؟ .. بص فوق تاني وقوللي ))