[حازم شاهين]

كل عربية من اللى حضرتك قولت عليهم دول ليها مميزاتها و ليها عيوبها
و كلهم متجربين و ماشين كويس فى الشوارع
ما عدا التيجو 1600 محدش هيقدر يفيدك قوى عنها لإن أقدم واحد عنده تيجو 1600 مستلمها من شهرين على الأكثر فبالتالى لسه مفيش أى حاجه بانت عليها
بالمناسبة أنا عندى إسبرانزا 516 من أربع شهور يعنى برضه لسه العربية بالنسبة لى جديدة لكن لغاية دلوقتى مفيش مشاكل و الحمد لله لكن طبعا دى ترة قصيرة برضه للحكم على عربية .

أنا متوقع إن التيجو هتكون أحسن عربية ممكن تتجاب بالسعر ده ... لكن الكلام ده محتاج تأكيد من اللى إستخدموها .

عموما تقييمى المبدئى لغاية دلوقتى و بناء على أراء متعدده و تجارب قيادة للأكسنت و الريو و الماتركس و الجين تو

النيو أكسنت رقم واحد لكن فيه اللى بيقول إن قطع غيارها غالية شوية مع إنى شايف إن كل العربيات قطع غيارها غالية
الكيا ريو رقم 2 عن تجربة شخصية عربية ممتازة مع العلم إن كان عندى ريو أمريكانى أتوماتيك موديل 2002 و كانت أكثر من رائعة بصراحه و لا يعيبها غير صغر حجمها و عدم إنتشارها

الماتريكس رقم 3 برضه عربية ممتازة و محرك قوى لكن أنا شخصيا مش عاجبنى موضوع العدادات اللى فى منتصف التابلوة من رأيى إن الكنبة الخلفية غير مريحة

شيفرولية أفيو عربية كويسة و توكيل معقول لكن أعتقد إنها أوفر برايس يعنى سعرها مبالغ فيه و ما تسواش السعر ده
الجين تو موتور جيد جدا و لو إنت بتتكلم عن الفول أوبشن يبقى مش هتلاقى عربية فيها كل الكماليات دى بالسعر ده خالص لكن يعيبها إن عز العرب مش عاملها دعم كويس يعنى مركزين بس للصيانة و لا تلاتة و قطع الغيار فى التوكيل فقط.
أرجو إنك ما تعتبرش كلامى ده نهائى و إستنى أراء اللى إمتلكوا العربيات دى فعلا