|
ارجو النصيحة من خبراء المنتدى قبل الشراء غداا
بدايتااا انا تصفحت المنتدى بدون تسجيل وماشاء الله الروح جميلة والمنتدى رائع وبة معلومات قيمة انا استفادت منها كثيرا
عندى صلب نصيحة للخبراء وارجو المساعدة لأنى غدا الساعة الخامسة مساءا بعد الشغل متجة الى المصرية للسيارات لشراء احد السيارات الأتية انا هادفع النص واقسط النص التانى ان شاء الله وعاوز سيارة تتراوح من ال 80 الى 85 الف ------
انا اول مرة ذهبت الى هناك اختارت نيو ماتريكس الشكل الجديد بعد مالفيت فى المعرض 4 ساعات لدرجة ان اصدقائى نامو على الطربيزة ------
واتفرجت على التيجو ال 1600 وهى العربية ايلى كنت رايح عليها لأنى قبلها بأسبوع صديق لية اشترى ال 2000 سىسى وبيقول سيارة كويسة وعالية وهتتحمل الشوراع بتاعتنا----------
المهم اختارت الماتريكس والبنك عمل اجرائاتة على الماتريكس الجديدة بعدها فكرت شوية وللصدفة تحت العمارة عندى كانت واقفة ماتريكس وتيجو قولت لأ التيجو افضل فى الشكل واجمل بكتير الماتريكس عاملة زى الميكروباص لأ انا هاروح اعدل السيارة وبالفعل ذهبت الى المصرية للسيارات تانى وقولتلة انا عاوز ال تيجو واستقريت على كدة وطبعا العربية عليها سحب جامد جدا خصوصا ال 1600 وزود علية 2000ج قالى علشان تستلمها بسرعة المهم بصيت عليها تانى وقولت خلاص نتوكل على الله ونجيبهااااااااااا
المهم بئة دخلت المنتدى واتفرجت على تعليقات القرأ وجدت رفض تام وقاطع للصينى برغم ان البرلينس صينى بس اعتقد اثبتت كفاءة والبروتون ماليزى واثبت كفأة فى التسعينات اول مانزل الكورى مصر كانت الناس كلها بتقول دة سىء ومش حلو ومش مضمون وخصوصا الهونداى اكسيل كان كلة بيقول دى عربية ورق ---------------
المهم انا رايح بكرة المفروض على اختيار سيارة انا عاوز عربية تعيش معاية 10 سنين وتستحمل ومتقرفنيش انا محافظ جدا واستعمالى متوسط
احنا عندنا فى البيت النترا خليجى اتوماتيك 2009 الصراحة ممتازة وادائها جيد ونعمة عن الانسر ومش متعبة بقالها معانا 6 شهور وزى الفل بس علشان والدى واختى بيستخدموها فالضغط عليها لوحدهااا كتير فقررت اشترى انا واحدة تانية --------تنصحونى بأية انا ادامى 5 عربيات دلؤتى
نيو اكسنت
نيو ماتريكس
كيا ريو
شيفورلية افيو
تيجو 1600 (وعينى عليها جدا وهى الأقرب لشكلها وفخامتها بس قلقان متعمرش معاية وتبدأ تتعبنى) لأنى مش عاوز اغير عربيات تانى كفاية الأبيزا طلعت عنية قبل ماابيعها برغم انها اسبانى بس قرفتنى وكرهتنى فى المستعمل
بروتون جين تو
وياريت ايلى جرب التيجو 1600 ومعاة بقالها فترة يقولى رائية لأنى العربية عليها سحب فى المعارض وبتتباع اغلى من سعرها ولو طلعت مش كويسة يبئة كدة رمينا فلوسنا فى الأرض
مع العلم انا كلمة صينى وكورى وماليزى انا عندى كلة زى بعضة المهم هل فعلا التيجو حسنت من ادائها واصبحت عربية تتحمل ونازلة علشان تضرب السوق وتستمر وتعمل اسم جيد وتغير نظرة الصينى ولا ------------
وللعلم الكورى كان كدة فى التسعينات كلة خايف منة ومش عاوز يشترية
ارجو المساعدة وشكرا ليكم جميعاا مقدما وياريت الردود قبل ماانزل اتعاقد وادفع بكرة ان شاء الله
|