رد: أرجو معرفة رأى الأعضاء فى هذه الأسعار
المشاركة الأصلية كتبت بواسطة handtools123
طيب حضرتك تعرف حد بتاع قطع غيار كويس وعنده شوية ضمير بتاع فيات
|
اعرف كتير عندهم ضمير لكن المشكلة فى المستورد مش محل قطع الغيار
انا فاكر جبت دسك لعربية ريجاتا وكنت بعمل لها عمرة موتور وبعد العمرة مشيت 1000 كم لزوم التليين
الدسك باظ بعد 1000 كم رحت للى اشتريت منة وهو فعلا انسان على خلق ومن حسن الحظ ان التاجر اللى بينزلة بضاعة كان موجود اخدة منى وادانى فلوسى تمام لكن مين اللى خسر فى النهاية ،،،،،،،،الزبون طبعا فك وتركيب 100 جنية بخلاف العطلة صح
كولة بيضحك على كولة واصعب قرار ممكن تاخدة هاشترى قطعة غيار اية ومن مين وجديد ولا استيراد لان الاستيراد معظمة مغشوش وخلع ساعات بسال نفسي احنا عربيتنا ازاى ماشية كدة لقيت ان العناية الااهية بس هى اللى مخليانى ومخلياك مشيين على الطريق
يا راجل طقم تيل امامى اجيبة واركبة ادام وبعدها بساعة ضرب اكنة قنبلة بالظبط والعربية لفت منى بقى وشها للمعاكس
لو فضلنا نتكلم عن قطع الغيار المضروبة مش هانسكت وخصوصا فى الفيات يمكن الالمانى افضل ومش بيتقلد اقصد العربيات الالمانى انما هل يعقل ان المانيا تعمل منتج ويتباع فى مصر بـ 30 واربعين جنية اشك طبعا
ومن هنا قلت لحضرتك التركى انسب الحلول وغمض عينك عن الجودة والفنش عشان ترتاح
وعلى فكرة الصين اللى مكتوب علية صنع فى الصين حاجتهم معقولة بس تجيب اغلى حاجة مش الارخص
طبعا دى وجهه نظرى وغير ملزمة ليك باى شكل وحكم عقلك وكولة بامر الله
__________________
يااااااااااااا رب
إرحمنا بقدرتك علينا
|