المشاركة الأصلية كتبت بواسطة hazem_khidr
حضرتك بتقارن بين سيارتين من فئتين مختلفتين
التيدا سياره مدمجه زيها زي الياريس و النيو اكسنت و الكيا ريو الخ الخ الخ
السيراتو من الفئه العائليه الصغيره زيها زي الكورولا و اللانسر و السيفيك
|
هو الحقيقة انا مش مقتنع بموضوع المدمجة دة يا حازم ,لان مدمجة دى ممكن تقال على سيارة بطول 4 متر او اقل , انما اكتر من كدة اعتقد كلة يتسوى ,
انت على اساس اية صنفت التيدا مع الياريس و النيو اكسنت , لو نشوف ابعاد التيدا السيدان كدة مقارنة بالنيو سيراتو :
التيدا طول : 4.42 متر
كيا : 4.53
تيدا عرض 1.74
كيا : 1.77
تيدا ارتفاع 1.53
كيا : 1.46
تيدا قاعدة ا لعجلات : 2.6
كيا : 2.6
زى ما انت شايف كدة نفس الابعاد تقريبا و التيدا مرتفعة اكتر , و قوة الموتور هى هى تقريبا فى السيارتين , عشان كدة انا مش شايف التيدا عربية مدمجة خالص بالابعاد دى , و الفروق اساسا بين الفئات بدائت تتلاشى , يعنى مثلا ممكن جدا نقارن الهوندا ستى بالكورولا او بالكيا سيراتو , او لانسر الشارك بالياريس .
مافيش مشكلة طلما احنا بنتكلم فى ابعاد متقاربة و قدرات متقاربة .