انا اللى نفسى أعرف
ايه اللى حصلنا ؟
بقينا بنتكلم كتير زيادة عن اللزوم .. وياريتنا بنعرف نتكلم
بقينا بنفهم كتير زيادة عن اللزوم .. وياريتنا حقيقى بنفهم
كلنا بقينا محللين ,, ناشطين ,, خبراء استراتيجين ,, حقوقيين
ومحدش بقى بيذكر حتى أسم مصر فى اى حديث ..
كله بيقول أنا اللى فاااااهم والباقى حااااافظ ...
كله بيقول حقى أولا .. ونسى حق البلد عليه ..
من فينا نظف شارعه بعد 25 يناير ؟
من فينا لم ينظف شارعه لكنه لم يلقى القمامة فيه ؟
من فينا لم ينظف شارعه والقى فيه القمامة لكنه حاول ايجاد حل مبتكر لمشكلة القمامة ؟
هذا مثل وينطبق عليه سائر المشاكل الأخرى ؟
محدش مقتنع بمكانه ومحدش مقدر امكانياته ..
محدش عاوز يقوم بدوره .. تجاه البلد ..
وبيطالب كل اللى حواليه يقوموا بدورهم على أكمل وجه ..
شغلنا انفسنا بالأمور السياسية .
الدستور .. الرئيس القادم .. مجلس الشعب .. السلفيين .. الليبراللين .. الاخوان
صدقونى لن يأتى من هو أعتى من مبارك وسرور والشريف والعادلى وعز وجمال
ولن يتحرك ميدان التحرير من مكانه . وقادرين على خلع الهرم الاكبر نفسه أذا أردنا
وتناسينا الأمور الأهم .
بناء بلدنا . تطهير انفسنا بالحب والعمل والتعاون
مااهتز بناء اساسه قوى وسليم ونحن الأساس
أخوانى
لا يغير الله ما بقوم حتى يغيروا ما بأنفسهم
دعونا نفكر كيف نعيد لبلدنا جمالها المفقود ولشعبها الاخلاق الحميدة
أسفة للإطالة .. لكن كتابتى للموضوع هذا ما اجده يوميا على صفحات الفيسبوك
من تناحر وجدال على الآراء . لن يقدم أو يأخر شيئا
لو قضينا هذا الوقت وهذا الجهد لخدمة بلدنا لما كنا أصلا على هذه الحالة
حتى هنا فى المنتدى لا يخلو موضوع سياسى من الجدال الغير مفيد
وشكرااا