رد: مخطط تصفيه الثوره ,,
تسونامي التغيير
اصدقائي واحبائي وكل المتابعين لنا ... وحوش الثورة وجيل التغيير ... نصيحه ليكم كلكم, اللي فاكر ان الثورة ضغطة زرار هاندوس عليه كل حاجه هاتتصلح يبقى غلطان, والي فاكر ان الثورة دي هاتخلص بالضربه القاضيه يبقى غلطان, واللي يأس عشان شايف او بيحاول يأكد لنفسه ان مافيش حاجه اتغيرت يبقى برضه غلطان.
انا عن نفسي وناس كتير معايا عايشين في الهم دا من 2010 ولحد دلوقت مكملين بنفس القوة والاصرار .. وفي ناس بدأت قبلنا في 2008, وناس تانيه شغالة من الثمانينيات ومستمرين في النضال لحد دلوقت بدون كلل او ملل. يا جماعة لو بتوع الثمانينيات كانوا يأسوا مكانتش رسالتهم وصلت لبتوع 2008 .. ولو رجالة 2008 يأسوا مكانتش رسالتهم وصلت لينا .. ولو احنا كنا يأسنا مكناتش الثورة قامت .. ولو انتم يأستوا هاتبقى هي دي نهاية كل النضال دا بجد .. والجيل اللي جاي هايلعنا كلنا .. افهم دي واحفظها صم:
مافيش يأس .. مافيش رجوع .. هانكمل .. لسه قدامنا حروب كتير هانخوضها .. حروب ضد الفساد .. ضد الانحلال الاخلاقي .. ضد الانحرافات المجتمعية .. ضد العادات الخاطئه .. احنا عايزين ناس نفسها طويل .. اللي تعب او يأس يا ريت يبعد ومايشدناش معاه .. احنا استمدينا طاقتنا من حبنا لبلدنا ومن جيل قبلنا صبر واتحمل اكتر مننا بكتير .. وهانكمل وانت كمان هاتكمل
__________________
|