المشاركة الأصلية كتبت بواسطة الايطالى الصغير
مشكورين على الردود والشروحات الرائعة
وسعيد انى لقيت تعاون كبير منكم انتم ناس جميلة جدا
احب لما اتعلم شىء ابدأ بجدول ونظام
انا عندى هدفين فى البداية
ازاى أشحن -
اشحن فريون صح
- عربية اوتكييف
والثانى ازاى اعالج مشكلة التسرب
فى الطريق اهداف ثانية بس نتعلم دول الاول
سالت عن الادوات وبصراحة كم المعلومات كبير ومبهر مش عايز اتوه
ليه سؤالين ايه الادوات الاساسية الاول للشحن
وايه الادوات الاساسية للبحث عن تسريب
خلى الادوات الزيادة بعدين لما نتعلم دول الاول
ياريت الاعضاء المتطوعين هنا فى المشاركة ربنا يبارك فيهم كلهم يرتبوا لى الادوات الاساسية الاداة ووظيفتها وامتى هستخدمها - وتتجاب منين - وافضل الماركات وسعرها تقريبا فى السوق المصرى
بعد كده ندخل على الهدف الاول ازاى نشحن تكييف عربية شغال
بس هنسحب الفريون القديم
وننضف دورة الفريون ونرجع نشحن فريون
الهدف التانى ومعلش انى بتقل عليكم بس عشمان فى جدعنه الاعضاء واعرف عنكم من كلامكم - الكرم والجود-
ازاى اكشف التسريب ده الهدف التانى والشرح ياريت يكون تفصيل بدقة لان اى ملحوظة جانبية ممكن تؤثر على التنفيذ
دلوقتى بقى انا فى انتظاركم مجهز القلم والورقة زى التلميذ وهروح أطبق عملى ربنا يبارك فيكم
|
اخى العزيز
فى فرق من انك تفتح ورشه صيانه او انك تكون هاوى
لو هتفتح ورشه لازم تكون عند حضرتك معضم الادوات وليست كلها ولو هاوى مش لازم كل الادوات انما الاساسيه فقط
راجع مشاركتى فى خطوات الشحن وتعرف ايه الادوات المطلوبه
بالنسبه لاختبار التنفيس هو بالماء والصابون والسفنجه اما لو عاوز اجهزه متخصصه فى التنفيس بتكون غاليه وفى الغالب الورش مبتستعملهاش انما يعتمدو على الصابون وحاسه السمع
وبانسبه لعلاج التنفيس حسب مكن التنفيس
بالنسبه لسحب الفريون واعده استعماله يتطلب طرمبه خاصه وهى تستعمل فى بعض الدوائر الكبيره التى تحتاج الى كميه فريون كبيره اما الثلاجات المنزليه والسيياره لاتحتاج الى كميه فريون كبيره بالكثير 200 جرام فريون تقريبا 20 جنيه( محدش يستغرب شحن العربيه 150 جنيه )
بالنسبه لتنضيف دائره التبريد اذا كانت هناك مشاكل فى الدائره
بالنسبه لشحن تكييف السياره هو ابسط بكثر جدا من شحن الثلاجه وسوف اشرحه لحضرتك فى وقت اخر