اولا حضرتك انا مش بتكلم عن حاجة الا اما اكون شوفتها بعينى هو مش كلام وخلاص انا شوفت اكتر من مقابلة مع الشيخ حازم صلاح وشوفت ردودة مرة يغير الكلام ومرة يقول عادى ممكن بطريقة تانية نظبط السياحة زى انعاش السياحة الداخلية على اساس ان السياحة الخارجية دى بقى حرام وهتجبنا ورا دة الشعب المصرى الغلبان مش لاقى ياكل هيروح شرم والغردقة !!!! يعنى السياحة الخارجية اللى بتجبلنا عملة صعبة واللى بتعيش ناس كتيرة هيقطعها
نيجى فى مسألة البنوك عشان تعرف انو بيقول اى كلام هو اساسا مش عارف يعنى اية بنوك ومش عارف اية اختصاصتها وبيقولك ان البنوك فى مصر بتقوم على الاقراض والاقترض ومش بتقوم على مشاريع زي بنوك الغرب
على اساس بنوك زى البنك العقارى وبنك الاعمار والاسكان والبنك الاهلى اللى شغلهم كلو على المشاريع دول مش فى مصر
ودة اللينك بتاعها
وكمان هو احنا بننسى التاريخ لية مش السلفيين دول هم اللى كانو بيقولو الخروج عن الحاكم حرام !!!! يابنى دة منهج عندهم كان صح كان غلط دة منهج ودة التخلف اللى عندهم
وادى فيديو للشيخ حازم بيقول الحاجة الوحيدة لنجاية رقاب الثوار ( دلوقتى بقى عندو ثوار كانو من شوية كفار وخارجين عن الحاكم ) انو هو اللى ينجح فى انتخابات الرئاسة
اقولك حاجة كمان مش السلفيين دول اللى كانو قاعدين يقولو الحرب خدعة وبررو لنفسهم انهم يكدبو علنا كدة ويقولو على حزب الحرية والعدالة دة حزب المسيحيين ؟؟؟؟ ومتفتكرش انى بدافع عن الاخوان
ودة غير انو قال انو هيفرض الحجاب هو مش لازم يقولها علانية بس قال مش دينكم بيقول كدة
ماشى انا معاة وانا اساسا بؤيد الحجاب بس دة مش معناة انك تفرض حاجة على الشعب بس صحيح اذا كانو هم اساسا مش معترفين بحاجة اسمها ديموقراطية وبيقولو عليها حرام ههههههه
وانا عاوز حضرتك تتفرجى على الفيديو الجميل دة اللى بيوضح انو مش عارف حاجة فى البطيخ اساسا وبيقول اى كلام وخلاص
ودة كذا فيديو بيبين فضايحو اللى قبل كدة ايام ماكنش حد يعرفو
ودة لينك بيبين جهلو الفظيع
وانا ليا رأى ان اى واحد يجى يدخل السياسة ويتكلم فى الحلال والحرام ة غير الحلال والحرام اللى على مزاجو ويقول كلام يعمل فتنة طائفية ويبين ان المسيحيين دول درجة تانية ويقول كراهية المسلميين للاديان الاخرى جاب منين اصلا الكلام دة
دة الاسلام بيدعو للمحبة ياراجل يالى مش فاهم دينك اساسا
وكل شوية يطلعهم كفار طب المسيحين اما يسمعو الكلام دة كدة مش هيعمل فتنة ؟؟؟
بس دول عقلية متخلفة عمرها ماهتفهم حاجة
انا اهو مسلم بس بحب المسيحين واؤكد ان ليهم دور زى مالينا دور فى المجتمع المصرى
مش واحد زى الشيخ حازم يجى ويطلع فتاوى هابلة ويقول بيبسى يعنى ندفع فلوس لاسرائيل
هو احنا بقينا متخلفين للدرجة دى !!!!!!
دة رأيى الصراحة حضرتك ليكى رأى تانى احترمو واقدرو
