الحكاية ححكيها فى سطور
واكشف المستور
ياريت تقولوا كلامنا خفيف عليهم
ياريت تقولوا دستور
دستور ياسيدنا دستور
واللى عليه عفريت
يلف ويدور
يقول حرية وعدالة
ولاحزب النور
والا 6 ابريل و ينط من على السور
ومرشحين رياسة كتير
اللى عايز الكرسى ..واللى عايز بدلة
حتى اللى لابس طرطور
واللى بيقول انا الحكاية
واللى بيقول عليا الدور
فوق التمانين ولسة واقف فى الطابور
مستنى بيحلم بالزهور
والحاشية واللمة
وانت عارف باقى الامور
والشعب حيران معذور.
يختار مين
ومين علية الحكم مقدور
وانتى يابلدى
ياام النصر والعبور
ياام كل عصر من العصور..واقفة ساكتة
والكل من حولك بيثور
مش من البنزين ولا السولار
ولا بطالة تهد دهور
من رجل كان فى يوم مشهور
من ريس معجب بنفسه
عوج وبالكرسى مطيور
مع ارق تحياتى للريس الجديد
م/همت