المشاركة الأصلية كتبت بواسطة mmbader
احسن طريق تاخد كوبرى القبة اتجاه مدينة نصر وبعدين كوبرى الفنجرى وتمشى فى خط مستقيم حتى تصل الى طريق النصر وتلف من اسفل كوبرى اكتوبر وتخش يمين ( امتداد الشارع الى انت كنت ماشى فية ( هيكون على شمالك جامعة الازهر وتفضل ماشى على طول وهيكون على شمالك قسم مدينة نصر ثان وتظل ماشى الطريق هيكون اخره اما الصعود على الدائرى والمعادى او النزول من تحت النفق حتى تاخذ بداية طريق القطامية العين السخنة واخر طريق القطامية العين السخنة تاخد يمين اتجاه الغردقة وتمشى حتى تكون بورتو السخنة على يمينك وتوصل بالسلامة ان شاء الله وبلاش السفر بالليل لان الطريق ده مقطوع شوية
|
بالرغم من ان حضرتك لففته شويه جوه القاهره شويه ولكن وصفك للطريق من بداية طريق العين السخنه صح
وللعلم كمان طريق الغردقه من نهايه طريق العين السخنه يمين دا مش بس مقطوع بالليل ولكن كمان الطريق ضيق ورايح جاى بدون جزيره فى الوسط
وكل اتجاه مش بيستحمل غير عربيه واحده بس
دا غير ان الجبل هيبقى على يمينك والبحر على شمالك
وتوصل بالسلامه